Author: lensherra

Á sunnudagskvöldið, lokakvöldi Vetrarhátíðar í Reykjavík, verður boðið upp á dagskrá í Leikhúskjallaranum þar sem tónlist Kurt Weill verður í fyrirrúmi. Þjóðleikhúsið sýnir um þessar mundir Túskildingsóperuna eftir þá Bertolt Brecht og Kurt Weill. Tónlistin í verkinu er leikshúsgestum og tónlistarunnendum að góðu kunn. Í Túskildingsóperunni birtast öll helstu höfundareinkenni Kurts Weills. Þótt sterkra áhrifa gæti frá barokktónlist, tónlist klassíska tímans, vaudeville- eða revíutónlist, alþýðusöngvum og jazzmúsík er tónlistin öll snilldarlega meitluð í mjög svo persónulegan stíl hans sjálfs. Tónlist Weills er hrjúf og gróf, en líka einlæg og falleg; hún er melódísk þótt hljómurinn sé ómstríður og djarfur; hún er framsækin og margslungin, en þó oftast alþýðleg og aðgengileg. Útsetningar hans eru einstakar. Grípandi laglínur taka flugið yfir sérkennilegum hljómasamböndum og vísvitandi “fölskum” nótum, og bassalínan hljómar stundum eins og hún sé tveimur töktum á undan eða eftir áætlun. Jóhann G. Jóhannsson, tónlistarstjóri Þjóðleikhússins og hljómsveitarstjóri Túskildingsóperunnar, mun fjalla um tónlist Kurt Weill ásamt Agli Ólafssyni. Þá munu Atli Rafn Sigurðarson, Egill Ólafsson, Halla Vilhjálmsdóttir og Selma Björnsdóttir flytja lög eftir Weill við undirleik Jóhanns G. Jóhannssonar. Dagskráin verður flutt tvisvar sinnum, kl. 21:00 og kl. 22:30. Aðgangur er...

Þann 25. febrúar næstkomandi verður frumsýnt í Freyvangi leikverkið Kardemommubærinn. Þetta þekkta leikrit kannast flestir ef ekki allir við og persónurnar, er Torbjörn Egner skapaði af sinni alkunnu snilld, eru góðkunningjar barna jafnt sem fullorðinna um heim allan. Mikill metnaður hefur verið lagður í sýninguna.  Svo umfangsmikil er hún að saumar og smíðar voru færðar út fyrir Freyvang vegna umfangs.  Hefur því verið unnið að sýningunni á þremur stöðum í sveitinni.  Sviðsmynd, hönnuð af Hallmundi Kristinssyni, er sennilega sú viðamesta sem sett hefur verið upp í Freyvangi. Smíðar, undir leiðsögn Halldórs Sigurgeirssonar, tóku rúman mánuð og þurfti tug fílefldra karlmanna bara til þess að koma turni Tobíasar inn í húsið. Margir gamalgrónir Freyvangsleikarar vekja persónurnar til lífsins.  Ræningjana túlka Stefán Guðlaugsson, sem leikið hefur í fjöldamörgum sýningum í Freyvangi, Ingólfur Þórsson, sem lengi hefur verið viðloðinn áhugaleikhús víðs vegar um landið, og Jónsteinn Aðalsteinsson, sem er að leika í Kardemommubænum í þriðja sinn á ferlinum. Með hlutverk Soffíu frænku fer Hjördís Pálmadóttir, þess má geta að við undirbúning sýningarinnar var sérstaklega leitað til hennar enda þótti engin önnur koma til greina í hlutverkið. Í hlutverki Bastíans er Guðjón Ólafsson, en hann leikstýrði einmitt Kardemommubænum hjá Litla leikklúbbnum á Ísafirði á sínum tíma. Margir leikarar eru þó af yngri kynslóðinni og margt upprennandi leikhúsfólk þar á ferð. Jóhann Ingólfsson og Gunnar Örn Stephensen, sem léku báðir stór hlutverk í Ólíver,...

Hin umtalaða leiksýning Forðist okkur eftir Hugleik Dagsson verður tekin til sýningar að nýju á Litla sviði Borgarleikhússins í mars. Sýningin fékk afar góðar viðtökur í haust jafnt hjá gagnrýnendum sem og almenningi og komust færri að en vildu.  Forðist okkur er samstarfsverkefni CommonNonsense og Nemendaleikhússins.   Hugmyndaheimur verksins er sprottinn upp úr verkum Hugleiks myndasögubókunum Elskið okkur , Drepið okkur og Ríðið okkur. Sögur Hugleiks er skemmtilegar, kaldhæðnar, grófar, ljótar, fallegar, ósmekklegar, gróteskar og rómantískar. Það rúmast allt í þessum heimi. Hver saga lætur ekki mikið yfir sér. Ein teikning með örlittlum texta. Í einfaldleika sínum tekst Hugleik á skondinn og áhrifamikinn hátt að beina sjónum okkar að margs skonar meinsemdum í samskiptum fólks, brengluðu gildismati, brengluðu siðferði og hættulegum félagslegum doða og afskiptaleysi. Sögur hans eru eins og ljósmynd úr lífi fólks og hann lætur okkur eftir að filla upp í götin. Forðist okkur er saga um nútímamanninn í sinni nöktustu mynd. Leikarar í sýningunni eru Birgitta Birgisdóttir, Dóra Jóhannsdóttir, Halldóra Malín Pétursdóttir, Jörundur Ragnarsson, Magnea Björk Valdimarsdóttir, Stefán Hallur Stefánsson, Sveinn Ólafur Gunnarsson, Víðir Guðmundsson, Valur Freyr Einarsson og Aðalheiður Halldórsdóttir Leikstjórar eru  Stefán Jónsson og Ólöf Ingólfsdóttir, Ilmur Stefánsdóttir hannaði leikmynd, tónlist og hljóðmynd gerði Davíð Þór Jónsson, lýsing  hannaði Egill Ingibergsson,  búninga hönnuðu Rannveig Kristjánsdóttir og Elsa María Blöndal. Aðeins er unnt að sýna 10 sýningar. Miðasala er hafin hjá miðasölu Borgarleikhússins í síma...

Leikritið Hungur eftir Þórdísi Elvu Þovaldsdóttur Bachmann verður frumsýnt þann 18. febrúar í Borgarleikhúsinu. Átraskanir eru vágestur sem vert er að beina kastljósum að. Rop, prump, garnagaul og önnur búkhljóð í aukahlutverki. Hvað gerist þegar tveir lystarstolssjúklingar mynda vináttutengsl? Hvað gerist þegar offitusjúklingur finnur sér maka, sem elskar hvern einasta blett á líkama hennar? Hvernig geta fjórir einstaklingar uppfyllt óraunhæfar kröfur heimsins um útlit og líkamlegt atgervi? Þann 18. febrúar mun listfyrirtækið Fimbulvetur ehf. frumsýna leikritið Hungur á Litla sviði Borgarleikhússins. Leikritið fjallar fólk, um manneskjur með drauma og þrár, en ekki sjúkdómana sem það er haldið. Hungur er alls ekki fræðsluleikrit, heldur veitir áhorfendum vægðarlausa innsýn í heim útlitsdýrkunar. Sem betur fer þekkja ekki margir þennan heim af eigin raun en flestir hafa af honum afspurn í einhverri mynd. Verkið spyr áleitina spurninga sem vonandi verða til þess að opna umræðuna um þennan áhyggjuverða faraldur. Átraskanir eru ört vaxandi vandamál á Íslandi. Átröskunarsjúklingar skipta þúsundum og fjöldi beiðna um innlagningu á geðdeild tvöfaldast ár frá ári. Nýjar deildir hafa verið opnaðar á Landspítalanum Háskólasjúkrahúsi til þess að bregðast við þessari þróun, og sjálfshjálparhópum sem takast á við þessa vá hefur fjölgað. Átraskanir hafa ekki bara alvarleg áhrif á einstaklingana sem af þeim þjást, heldur einnig fjölskyldur þeirra, atvinnurekendur og á fyrirmyndir í fjölmiðlum. Það er því eðlilegt að umræða um það mein sem átröskun er hafi verið mikil...

Föstudaginn 17. febrúar verður frumsýnt nýtt íslenskt leikrit hjá Leikfélagi Mosfellssveitar í Bæjarleikhúsinu og hefst sýningin klukkan 20:00. Verkið heitir Í beinni og er eftir þá Hrafnkel Stefánsson og Nóa Kristinsson. Leikstjóri er Guðný María Jónsdóttir og samtals standa um 20 leikarar, hljóðfæraleikarar, tæknimenn og sviðsmenn að sýningunni. Leikritið gerist í lokaþætti spjallþáttarins Í beinni sem stjórnað er af hinum stórskemmtilega Benna Gumm. Útsendingin gengur þó ekki átakalaust fyrir sig og hinar óvæntustu uppákomur setja svip sinn á atburðarásina. Einnig er í sýningunni skyggnst baksviðs, þ.s. við erum einnig í biðstofu gesta þáttarins.  Þetta er bráðfyndið leikrit sem óhætt er að mæla með fyrir alla fjölskylduna! Önnur sýning verður sunnudaginn 19.02. Sýnt verður næstu helgar á eftir á föstudögum og laugardögum og hefjast sýningar klukkan...