lensherra | Leiklistarvefurinn

Vinnusmiðja Þjóðleikhússins 2006-2007

Leiklistarvefurinn | sep 8, 2006 | Fréttir |

Vinnusmiðja Þjóðleikhússin hefur verið starfrækt undanfarin þrjú ár. Í vetur mun Félag um leiklist í skólastarfi, FLÍSS, sjá um starfsemi vinnusmiðjunnar í samráði við Fræðsludeildina. Markmið vinnusmiðjunnar er að gefa kennurum og leikurum sem áhuga hafa á kennslu tækifæri til að kynnast vinnubrögðum ýmissa listamanna og kennara og veita kennurum sem vilja nota leiklist í skólastofunni stuðning í viðleitni sinni. Undanfarin ár hefur allnokkur hópur sótt námskeið vinnusmiðjunnar og vonumst við til að svo verði áfram. Í vetur fáum við til okkar fimm einstaklinga sem allir hafa getið sér gott orð fyrir störf sín. Þeir koma úr ýmsum áttum en eiga það sameiginlegt að vinna við hinar ýmsu hliðar leiklistar og leiklistarkennslu. Munu þeir fyrst og fremst kynna sínar vinnuaðferðir fyrir kennurum og gefa þeim hugmynd um hvernig hægt er að nota þær í leiklistarkennslu, almennri kennslu og uppsetningum. Við munum hittast einu sinni í mánuði yfir veturinn, þrisvar fyrir jól og þrisvar eftir jól. Hér fyrir neðan er dagskrá Vinnusmiðjunnar og allar nánari upplýsingar. Staðsetning Húsnæði Fræðsludeildar Þjóðleikhússins, gamla Hæstaréttarhúsinu, Lindargötu 3. Verð og skráning: Eins og undanfarin ár þurfa þátttakendur að skrá sig fyrir allan veturinn. Við reynum að halda kostnaði í algjöru lágmarki og er einungis um að ræða kostnað vegna kennara á fræðslukvöldunum. Allur pakkinn, sex fræðslukvöld, kostar einungis 12.000 kr. Hægt er að skrá sig hjá FLÍSS á netfangið HYPERLINK "mailto:ogud@btnet.is" ogud@btnet.is Tími:...

Sjá meira

Aðalfundur 6. og 7. maí 2006

Leiklistarvefurinn | sep 7, 2006 | Bandalagið |

Aðalfundur Bandalags íslenskra leikfélaga Félagsheimilinu á Seltjarnarnesi 6.-7. maí 2006 1. Guðrún Halla Jónsdóttir formaður bauð fundargesti velkomna. Hún stakk upp á Grétari G. Guðmundssyni, Leiklistarf. Seltjarnarness, og Ingólfi Þórssyni, Freyvangsleikhúsinu, sem fundarstjórum, það samþykkt. Halla stakk jafnframt upp á Ármanni Guðmundssyni, starfsmanni skrifstofu, og Dýrleifi Jónsdóttur, Leikf. Hafnarfjarðar, sem fundarriturum. Það samþykkt. 2. Regína Sigurðardóttir, Leikf. Húsavíkur, formaður kjörnefndar afgreiddi kjörbréf og afhenti atkvæðaspjöld. Atkvæði alls 23. Staða framboða kynnt. Júlíus Júlíusson, Hörður Sigurðarson og Lárus Vilhjálmsson áttu að ganga úr stjórn og Ármann Guðmundssson og Margrét Tryggvadóttir úr varastjórn. Lárus gaf kost á sér til endurkjörs en ekki Hörður og Júlíus. Ármann gaf kost á sér til aðalstjórnar og Margrét til varastjórnar. 3. Júlíus las Menningarstefnu. Fundurmenn kynntu sig. 4. Lárus greindi frá hvaða félög hefðu sótt um að ganga í Bandalagið. Leikfélagið Baldur, Bíldudal, og Leikklúbburinn Krafla, Hrísey, höfðu sótt um og voru samþykkt. Ofleikur, Reykjavík, Ultima Thule, Kaupmannahöfn, og KEX, Osló, sögðu sig úr Bandalaginu. 5. Fundargerð síðasta aðalfundar borin upp til samþykktar. Hún samþykkt. 6. Guðrún Halla flutti skýrslu stjórnar: Ársskýrsla stjórnar Bandalags íslenskra leikfélaga fyrir starfsárið 2005-2006 Lögð fram á aðalfundi á Seltjarnarnesi 6. maí 2006. Stjórn Bandalagsins er þannig skipuð: Guðrún Halla Jónsdóttir, Akureyri, formaður Lárus Húnfjörð Vilhjálmsson, Álftanesi, varaformaður Þórvör Embla Guðmundsdóttir, Reykholtsdal, ritari Hörður Sigurðarson, Reykjavík, meðstjórnandi Júlíus Garðar Júlíusson, Dalvík, meðstjórnandi Í varastjórn eru: Margrét Tryggvadóttir, Hvolsvelli Ármann Guðmundsson,...

Sjá meira

Ljósanámskeið

Leiklistarvefurinn | sep 7, 2006 | Fréttir |

Leikfélag Selfoss býður upp á ljósanámskeið helgina 21. og 22. október Kennari er Benedikt Axelsson. Hann hefur verið atvinnuljósamaður í fjölda ára hjá bæði Þjóðleikhúsinu og Borgarleikhúsinu og undanfarin ár hjá Íslenska dansflokknum auk þess sem hann hefur unnið með nokkrum áhugaleikfélögum. Um er að ræða tvískipt námskeið. Laugardagurinn verður fyrir alla er koma á einhvern hátt nálægt vinnu í leikhúsinu; leikarar, leikstjórar, tæknimenn, leikmyndahönnuðir, sminkur, búningahönnuðir, stjórnir leikfélaga o.fl. Þessi hluti er mjög almenns eðlis um ljósavinnuna og fjallar um hluti eins og: Hvað er ljós, hvert er eðli ljóss, hvað getum við gert með ljósum og...

Sjá meira

No(h)ra tvöföld

Leiklistarvefurinn | sep 7, 2006 | Gagnrýnandinn |

Útsendari Leiklistarvefjarins brá sér að japanska sýningu í Þjóðleikhúsinu: Það var forvitni um undarlegar stefnur og hefðir í leikhúsi sem rak mig til að fara að sjá gestasýningu frá Natori-leikhúsinu í Japan í Þjóðleikhúsinu síðasta laugardagskvöld. Mér þótti spennandi að sjá Noh-formið, og að efniviðurinn væri Brúðuheimili eftir Ibsen þótti mér hálfgert aukaatriði. Enda finnst mér það alveg forkastanlega leiðinlegt leikrit. En þessi sýning gerði heilmikið fyrir mig. Noh-leikhúsið byrjaði að þróast í Japan á fjórtándu öld. Þessi leikhúshefð byggir mikið á nákvæmum og hægum hreyfingum, fastmótuðum persónugerðum og ákveðnum staðsetningum hljóðfæraleikara og kórs á sviðinu. Rætur þess má...

Sjá meira

Aðalfundur Leikfélagsins Sýnir

Leiklistarvefurinn | sep 5, 2006 | Fréttir |

Leikfélagið Sýnir heldur aðalfund laugardaginn 16. september 2006 í Hjáleigu Leikfélags Kópavogs, Fannborg 2, Kópavogi. Fundurinn hefst klukkan 13:00. Dagskrá: Hefðbundin aðalfundastörf og önnur mál. Kosið verður í stjórn, farið yfir starf síðustu tveggja ára og farið yfir fjármálin. Auk þess verður starfið framundan rætt. Mikilvægt er að félagsmenn mæti til þess að tjá sig um starf félagsins. Allar nýjar tillögur eru mjög vel þegnar. Leikfélagið Sýnir var stofnað af nemendum úr Leiklistarskóla Bandalags íslenskra leikfélaga árið 1997 og starfar á landsvísu, aðallega á sumrin. Allir sem áhuga hafa geta gerst félagar. Nýir félagar velkomnir á aðalfund....

Sjá meira