Author: lensherra

Þjóðleikhúsið opnar þann 4. nóvember næstkomandi nýtt leikrými, Kúluna, sem er helgað ungum áhorfendum og nýrri leikhúsreynslu. Kúlan er þar sem áður var Litla svið Þjóðleikhússins. Kúlunni er ætlað að vera tilraunasvið helgað leiklistaruppeldi. Þar mun leikhúsið kynna ungum áhorfendum leikhúsið með smábarnasýningum og smærri barna- og unglingasýningum. Í Kúlunni munu einnig áhorfendur á öllum aldri geta öðlast nýja leikhúsreynslu, og meðal annars kynnst leikhúsinu á nýjan hátt í gegnum brúðuleiksýningar af ýmsu tagi. Kúlan er í sama húsi og Kassinn, í Íþróttahúsi Jóns Þorsteinssonar við Lindargötu 7. Kassinn og Kúlan eru hvort um sig vettvangur tilrauna á sviði leiklistar, þar sem bæði leikhúsfólk og áhorfendur nálgast leikhúsið á nýjan hátt. Vígslusýning Kúlunnar verður Umbreyting – Ljóð á hreyfingu, brúðuleiksýning sem er einkum ætluð fullorðnum. Í þessari sýningu leiðir brúðusnillingurinn Bernd Ogrodnik áhorfendur inn í töfraveröld brúðuleikhússins í gegnum stuttar sögur sem fjalla um lífið í sínum ólíkustu myndum. Umbreyting var frumsýnd á Listahátíð í Reykjavík á liðnu vori og hlaut afbragðsgóðar viðtökur. Sýningar verða í nóvember og byrjun desember. Eftir áramót verður sýning fyrir yngstu áhorfendurna í Kúlunni, brúðusýning Bernd Ogrodniks Pétur og úlfurinn. Sýningin er byggð á samnefndri sögu og tónverki Sergeis Prokofiefs, sem tónskáldið samdi í þeim tilgangi að kenna börnum að skilja og njóta tónlistar. Í sýningunni birtist okkur þetta óviðjafnanlega ævintýri myndrænt með aðstoð handútskorinna leikbrúða sem Bernd stjórnar af sinni alkunnu snilld. Með...

Leikfélag Fljótsdalshéraðs er þessa dagana að æfa leikritið „Listin að lifa“ eftir Sigríði Láru Sigurjónsdóttir. Leikritið er sérstaklega samið fyrir Leikfélag Fljótsdalshéraðs í tilefni af 40 ára afmæli leikfélagsins. Leikstjóri á verkinu er Oddur Bjarni Þorkelsson en hann hefur sett upp fjölda verka hér á Héraði. Leikarar í sýningunni eru þau Eygló Daníelsdóttir, Oddný Ólafía Sævarsdóttir og Þráinn Sigvaldason. Í leikritinu er fylgst með ævi þeirra Didda, Duddu og Dúu frá því þau eru kornabörn og allt þar til þau eru komin á elliheimili og samböndum þeirra eru gerð skil á fyndinn og skemmtilegan hátt.   Listin að lifa verður frumsýnt á Iðavöllum laugardaginn 11. nóvember klukkan 20:00. Sýningar verða síðan nánar auglýstar í dagskránni og víðar.   Meðfylgjandi er mynd sem Gunnar Gunnarsson tók á æfingu inn á...

Þann 28. október var frumsýnt hjá Leikfélagi Vestmannaeyja verkið „Móglí“ eftir Illuga Jökulsson í leikstjórn hins frábæra leikstjóra Jóns Stefáns Kristjánssonar. Er verkið skipað 18 leikurum á aldrinum 7–22 ára og er ótrúlegt að sjá hvað þessir krakkkar geta. Verkið er mjög skemmtilegt og var lögð mikil vinna í búningana sem saumakonur Leikfélags Vestmannaeyja, þær Lilja Þorsteinsdóttir og Katrín Sjöfn Sigurbjörnsdóttir sáu um að hanna og sauma. Sama er með sviðið sem leikstjóri ásamt Óskar Pétri Friðriksyni yfirsmið sáu um að hanna og smíða. Einnig hjálpuðu stjórnarmeðlimir og velunnarar Leikfélagsins til að gera sviðið sem líkast skógi. Leikararnir sáu um að búa sér til grímur og er ótrúlegt að sjá hvað það heppnaðist vel.   Sýnt verður um næstu helgar, en stefnt er á að sýna 8–10 sinnum, og hvetjum við alla til að leggja leið sína til Vestmannaeyja og sjá þetta skemmtilega verk Leikfélags Vestmannaeyja.   Miðasala er í síma...