lensherra | Leiklistarvefurinn

Leikfélag Selfoss sýnir Með táning í tölvunni

Leiklistarvefurinn | jan 7, 2008 | Fréttir |

Föstudaginn 11. janúar frumsýnir Leikfélag Selfoss gamanleikritið Með táning í tölvunni eftir Ray Cooney. Leikstjóri er Jón Stefán Kristjánsson sem einnig þýddi verkið. Þetta er bráðskemmtilegur og hress farsi sem mun kitla hláturtaugarnar svo um munar, sjálfstætt framhald af Með vífið í lúkunum sem leikfélagið setti upp árið 1999 en það er sú sýningin sem besta aðsókn hefur fengið í litla leikhúsinu við Sigtún. Með vífið í lúkunum fjallaði um hvernig leigubílstjóranum John Smith tókst að lifa tvöföldu lífi með tveimur eiginkonum. Með táning í tölvunni gerist 18 árum síðar þegar dóttir hans úr öðru hjónabandinu og sonur hans...

Sjá meira

Fool 4 love í Austurbæ

Leiklistarvefurinn | jan 4, 2008 | Fréttir |

Leikhópurinn Silfurtunglið frumsýndi fyrir skemmstu leikritið Fool 4 love eftir bandaríska leikskáldið Sam Shepard í leikstjórn Jóns Gunnars Þórðarsonar. Tónlistina í verkinu samdi og flytur KK. Fool 4 love er sýnt í Austurbæ Fool 4 Love eftir Sam Shepard trónir að margra mati á toppnum sem besta nútímaleikrit Bandaríkjamanna. Verkið er ástríðufullt og einkennist af hraða, spennu og beittum húmor. Fyrrum elskendur hittast á yfirgefnu vegamóteli í útjaðri Mojave eyðimerkurinnar. May er á flótta undan Eddie en þrátt fyrir erfiðleika og ofbeldisfull samskiptin er ástin ekki langt undan. Eldri maður situr á veröndinni og talar við áhorfendur en nærvera...

Sjá meira

Aðsóknarmet slegið á Akureyri

Leiklistarvefurinn | des 21, 2007 | Fréttir |

Hin geysivinsæla sýning á Óvitum mun víkja af sviði Leikfélags Akureyrar þann 6. janúar til að rýma til fyrir nýrri frumsýningu á Fló á skinni. Uppselt hefur verið á allar sýningar verksins en tvær síðustu aukasýningarnar eru komnar í sölu, þann 28. desember og 5. janúar. Þegar þessar sýningar hafa verið sýndar verður aðsóknarmet fallið því þá hafa fleiri séð Óvita á Akureyri en Fullkomið brúðkaup sem er vinsælasta sýning LA frá upphafi. Áhorfendur verða þá rúmlega 12.000. Reyndar verður Fullkomið brúðkaup áfram aðsóknarmesta sýning LA í heild sinni, því auk tæplega 12.000 gesta á Akureyri sáu um 14.000 gestir sýninguna í Reykjavík. Óvitar víkja nú en stefnt er að útgáfu sýningarinnar á DVD fyrir páskana og sýningin snýr aftur á svið Samkomuhússins í september 2008. Óvitar eftir Guðrúnu Helgadóttur voru frumsýndir hjá LA 15. september sl. í leikstjórn Sigurðar Sigurjónssonar. Jón Ólafsson samdi nýja tónlist við verkið við texta Davíðs Þórs Jónssonar. 18 börn taka þátt í sýningunni og leika við hlið fullorðinna leikara en í aðalhlutverkum eru Guðjón Davíð Karlsson og Hallgrímur Ólafsson. Það er stefna LA að sýna hvert verk þétt en í tiltölulega stuttan tíma og þannig tryggja að staðið sé við sýningaráætlun hvers leikárs. Af þeim sökum var ákveðið að taka Óvita af fjölunum nú þrátt fyrir að enn sé glimrandi aðsókn. Því verður gamanleikurinn Fló á skinni frumsýndur 8. febrúar og sýndur...

Sjá meira

Jesus Christ Superstar jólasýning Borgarleikhússins

Leiklistarvefurinn | des 21, 2007 | Fréttir |

Þann 28. desember verður hin sígilda rokkópera frá 1970, Jesus Christ Superstar, frumsýnd á Stóra sviði Borgarleikhússins. Leikstjóri er Björn Hlynur Haraldsson en með hlutverk þeirra Jesúsar og Júdasar fara tveir af öflugustu rokksöngvurum landsins, Krummi Björgvins og Jens Ólafsson. Verkið segir frá síðustu vikunum í lífi Jesú Krists og varpar ljósi á samband hans og Júdasar Ískaríots sem er ekki sáttur við stefnuna sem Jesús hefur markað. Júdas er jarðbundinn, hann skilur ekki Jesú, sem sér hlutina í stærra samhengi og fylgir guðlegri köllun sem leiðir til krossfestingar. Þetta er heimsþekkt verk frá tuttugustu öld, boðskapurinn er sígildur...

Sjá meira

Jólagleði LH frestað til 4. janúar

Leiklistarvefurinn | des 20, 2007 | Fréttir |

Við hjá Leikfélagi Hafnarfjarðar höfum ákveðið að fresta jólagleði félagsins til föstudagsins 4. janúar. Tekið verður vel á móti meðlimum félagsins og annarra leikfélaga og munum við eiga notalega kvöldstund saman á nýju ári. Hugmyndin er að þau félög sem eiga einhverja jólaþætti geti sýnt þá, svo munum við syngja saman og hafa jólagaman. Gleðin byrjar kl 21 þann 4. janúar og stendur fram á rauða nótt. Þeir sem vilja eitthvað sterkara en kaffi og piparkökur komi með það sjálfir. Félagið er til húsa í Gamla Lækjarskóla við lækinn í Hafnarfirði (stórt hvítt hús merkt Menntasetrið við Lækinn) Allir velkomnir!Bestu kveðjur, Guðrún Sóley Sigurðardóttir formaður Leikfélags Hafnarfjarðar...

Sjá meira