Author: lensherra

Leikritið Dauðasyndirnar, guðdómlegur gleðileikur, sem frumsýnt var þann 8. maí síðastliðinn í Borgarleikhúsinu mun halda áfram göngu sinni næsta haust og verða hluti af glæsilegri dagskrá næsta starfsárs. Síðustu sýningar eru nú um helgina og fyrir löngu orðið uppselt. Í verkinu segir frá hremmingum Dantes og ferð hans um hringi helvítis í leið sinni um hreinsunareldinn til paradísar. 4 trúðar segja söguna og miðla til áhorfenda af ótæmandi viskubrunni sínum um leið. Sýningar hefjast aftur á haustdögum. Um hvað er verkið? Miðaldaljóð Dantes, Divina Commedia,  er talið til mestu gersema heimsbókmenntanna. Dauðasyndirnar byggja frjálslega á verkinu og er stórkostleg...

Nýr söngleikur Ólafs Hauks Símonarsonar, Fólkið í blokkinni, verður frumsýndur á stóra sviði Borgarleikhússins 10. október n.k. og er undirbúningur kominn á fullan skrið. Leikhúsið reiðir sig á aðstoð landsmanna, því nú vantar ekki einn og ekki tvo, heldur ríflega 400 stóla til notkunar í sýningunni. Óskað er eftir því að landsmenn komi með stóla sem þeim nýtast ekki lengur í Borgarleikhúsið, fimmtudaginn 12. júní á milli kl. 16-18. Þeir sem gefa stóla fá að launum gjafabréf á forsýningu verksins og fjórir heppnir fá áskriftarkort. Óskað er sérstaklega eftir þægilegum stólum úr borðstofum, eldhúsum, fundarherbergjum eða skólastofum, en stórir...

Leiklistarskóli Bandalags ísl. leikfélaga var settur á laugardaginn að Húsabakkaskóla í Svarfaðardal. Þar er í ár boðið uppá þrjú námskeið; grunnnámskeið í leikritun, kennari Bjarni Jónsson, Leiklist II – framhaldsnámskeið fyrir leikara, kennari Ágústa Skúladóttir og sérnámskeið fyrir leikara, kennari Rúnar Guðbrandsson. Nemendur á námskeiðunum eru samtals 41. Að venju voru nýnemar „busaðir“. Vígsluna önnuðust eldri nemendur en af meðfylgjandi mynd að dæma var um trúarlega athöfn að ræða. Þær skólastýrur Dýrleif Jónsdóttir og Hrefna Friðriksdóttir hópuðu síðan öllum nemendum saman til myndatöku fyrir Leiklistarvefinn og er ekki annað að sjá en allir hafi komist óskaðaðir frá uppákomunni. Skólanum...

Í september næstkomandi kemur út bókin Allt fyrir andann – Bandalag íslenskra leikfélaga, 1950–2000. Þar er rakin saga Bandalagsins í 50 ár en allt frá stofnun hefur hreyfingin verið öflugur bakhjarl leikfélaganna í landinu og tilkoma hennar blés nýju lífi í leikstarf úti um allt land. Hægt er að kaupa bókina í forsölu og setja nafn sitt um leið á heillaóskaskrá (Tabula gratulatoria) bókarinnar. Frestur til á skrá sig á heillaóskatöfluna er til 20. júní. Greint er frá aðdraganda og stofnun Bandalagsins, upphafsárum þess og fyrstu verkefnum. Þá er þráðurinn rakinn í gegnum árin og áratugina og sýnt hvernig...