Author: lensherra

Stoppleikhópurinn sýnir nk. mánudag 18. maí í Leikhúsinu Funalind 2 í Kópavogi, nýtt íslenskt leikrit byggt á lífi og ljóðum Bólu-Hjálmars. Sýningin hefst kl.20.00. Verkið nefnist Brunað í gegnum Bólu-Hjálmar en það var frumsýnt í maí sl. í Iðnó. Hefur það síðan verið á leikferð um landið þar sem sýningar fóru fram bæði í grunnskólum og á hjúkrunarheimilum eldri borgara. Nú gefst almenningi því tækifæri til að berja verkið augum. Bólu-Hjálmar er nafn sem við höfum öll heyrt. Grunnskólakrakkar vita sennilega flestir að hann var skáld. Þeir sem eldri eru kunna sum ljóðin hans og muna eftir honum af...

Spunaverkið Og hvað svo?! í leikstjórn Eyrúnar Óskar Jónsdóttur er sýnt um þessar mundir hjá leiklist Flensborgarskólans í Hafnarfirði. Þar er fjallað á lifandi og frumlegan hátt um um atburði síðastliðnu mánuða, hvernig þeir blöstu við þeim og hvaða framtíð þau sjá fyrir sér fyrir. Sýningin er með óhefðbudnum hætti, en þetta er svo kölluð promenade sýning þar sem nokkur atriði eru leikinn samtímis á mismunandi stöðum í rýminu og þurfa áhorfendur að ganga á milli þeirra til þess að sjá heildarmyndina. Miðaverð kr. 500, hægt er að kaupa miða í síma 849-8994.Sýningin fer fram í Flensborgarskólanum í Hafnarfirði,...

Leiklistarvefurinn var uppfærður í dag og þó notendur sjái þess sennilega lítil ytri merki er ástæða til að benda á nokkra hluti. Nú er t.d. hægt að tengja einstakar síður á Facebook með einföldum hætti. Neðst í hverri frétt eða grein er að finna táknmynd fyrir Facebook. Með því að smella á hana geta Facebook notendur tengt viðkomandi síðu á einfaldan hátt inn á sitt Facebooksvæði. Þá má einnig nefna að Leikritasafnið hefur verið upfært og er skráning nú víðtækari sem ætti að einfalda leit að handritum....

Hugleikur frumsýnir Ó, þú aftur eftir Ingibjörgu Hjartardóttur, Sigrúnu Óskarsdóttir og Unni Guttormsdóttur í leikstjórn Odds Bjarna Þorkelssonar á Smíðaverkstæði Þjóðleikhússins föstudaginn 15. maí kl. 20. Að hugleikskum sið leikur tónlist stórt hlutverk í sýningunni, en höfundar hennar eru Ljótu hálfvitarnir Þorgeir Tryggvason, Eggert Hilmarsson, Sævar Sigurgeirsson og Oddur Bjarni Þorkelsson. Hér er á ferð sérstök afmælissýning í tilefni af 25 ára starfsafmæli leikfélagsins. Hugleikur hefur getið sér orð fyrir glannalega meðferð á íslenskum menningararfi, en að þessu sinni er það hans eigin fortíð sem fær hina hugleiksku meðferð, því frumgerð leikritsins var frumsýnd fyrir rúmum tuttugu árum. Þrátt...

Aðalfundur Leikfélagsins Sýnir verður haldinn að Eyjarslóð 9, Reykjavík, sunnudaginn 24. maí nk. kl. 20.00.  Á dagskrá verða hefðbundin aðalfundarstörf og umræður um komandi sumarstarf.   Allir sem vettlingi geta valdið og áhuga hafa á að starfa með félaginu í sumar eru hvattir til að koma!   Vonumst til að sjá sem flesta, Stjórnin...