Author: lensherra

Nú er æfingum að ljúka á vordagskrá Leikfélagsins. Um er að ræða ellefu einþáttunga sem félagsmenn sjálfir hafa skrifað. Efni leikritanna er fjölbreytt og spannar allt frá léttu gríni til djúpra meininga.  Uppfærslan nefnist Glefsur en höfundar eru þau María Guðmundsdóttir og Pétur R. Pétursson. Leikstjórar eru þær Bóel Hallgrímsdóttir, Guðný María Jónsdóttir og Ólöf A. Þórðardóttir. Glefsur verða frumsýndar föstudaginn 9. apríl klukkan 21 í Bæjarleikhúsinu í Mosfellsbæ. Samnefnari einþáttunganna er að þeir glefsa í áhorfandann og skilja oftar en ekki spurningar frekar en svör. Sýningar verða síðan á sunnudögum í vor. Hægt er að panta miða í...

Dúfurnar eftir David Gieslemann í leikstjórn Kristínar Eysteinsdóttur verður frumsýnt á Nýja sviðinu laugardaginn 10. apríl. Höfundurinn verður viðstaddur frumsýninguna í Borgarleikhúsinu. Er þetta önnur heimsókn Gieselmanns til landsins en fyrri heimsókn hans var í tengslum við frumsýningu á verki hans Herra Kolbert sem Leikfélag Akureyrar sýndi árið 2006. Herra Kolbert hefur farið sigurför um heiminn og verið sett upp beggja vegna Atlandshafsins við gríðarlega góðar undirtektir. David Gieselmann er fæddur í Köln í Þýskalandi árið 1972. Hann stundaði nám í leikritun við Listaháskólann í Berlín á árunum 1994 til 1998. Honum var boðið að starfa í Royal Court-leikhúsinu...

Laugardaginn 10. apríl kl. 14 verður aukasýning á barnaleikritinu Horn á höfði sem GRAL sýndi við góða aðsókn um Páskana. Leikritið er sýnt í Rýminu. Verkið var frumsýnt sl. haust í Grindavík við frábærar undirtektir. Áhorfendur og gagnrýnendur voru sammála um að þetta væri eitt skemmtilegasta barnaleikrit ársins. Tónlistin er eftir Akureyringinn Villa Naglbít. Horn á höfði  fjallar um tvo vini, Björn og Jórunni. Björn litli vaknar einn morguninn með horn á höfðinu. Hann fær Jórunni vinkonu sína til að hjálpa sér að komast að ástæðunni. Í leit sinni að sannleikanum renna þau inn í æsilega atburðarrás á mörkum ævintýris og veruleika...

Hugleikur snýr aftur í Þjóðleikhúskjallarann með stuttverkadagskrá sem ber yfirskriftina Kjallaraheimsókn. Dagskráin verður frumsýnd mánudaginn 12. apríl og endurtekin þriðjudaginn 13. apríl kl. 20.00 bæði kvöld, en alls verða sýnd fimm ný stuttverk, Heimsókn og Í sjálfheldu eftir Árna Friðriksson, Stjörnur og norðurljós eftir Hjörvar Pétursson, Stuldur eftir Sigurð H. Pálsson og Sælla er að gefa eftir Ástu Gísladóttur. Aðeins verða þessar tvær sýningar, miðaverð er 1500 kr. Verkin sem sýnd verða með smá umsögn um innihaldið: Heimsókn eftir Árna Friðriksson í leikstjórn Ástu Gísladóttur. Leikarar eru Júlía Hannam og Jóhann Davíð Snorrason. „Þetta eru alveg meiriháttar krossgátur í...

Nú fer sýningum að ljúka á uppsetningu Leikfélags Selfoss á leiksýningunni Birtíngi sem byggð er á samnefndri sögu eftir franska heimspekinginn Voltaire, í snilldarlegri þýðingu Halldórs Laxness. Aðeins eru 4 sýningar eftir svo nú fer hver að verða síðastur að sjá þessa marglofuðu sýningu. Sýningunni hlotnaðist sá heiður að vera valinn af valnefnd á NEATA-hátíðina á Akureyri 10. – 15 ágúst 2010. NEATA stendur fyrir Norður-Evrópska áhugaleikhúsráðið og að þeim standa öll Norðurlöndin og Eystrasaltsríkin. Alls verða 12 sýningar á hátíðinni frá 10 löndum, 3 frá Íslandi. Sagan er í senn þroskasaga hins unga Birtíngs en um leið samfélagsádeila síns...