Author: lensherra

Æfingar eru hafnar hjá Leikfélagi Ölfuss á gaman- og stríðsleiknum Stútungasögu eftir þau Ármann Guðmundsson, Hjördísi Hjartardóttur, Sævar Sigurgeirsson og Þorgeir Tryggvason. Leikritið gerist undir lok Þjóðveldisaldar og greinir frá hvernig þeir Stútungar, nýorðnir valdamestir allra á landinu, glopra sjálfstæði landsins til Norðmanna fyrir röð óheppilegra tilviljanna og mannlega glópsku. Ætlunin er að frumsýna verkið 22. október og leikstjóri er einn höfunda, Ármann Guðmundsson. Á þriðja tug leikara taka þátt í sýningunni, sem er sú umfangsmesta sem Leikfélag Ölfuss hefur ráðist í. Tónlist skipar einnig nokkurn sess í verkinu og er hún samin af höfundunum Ármanni Guðmundssyni og Þorgeiri...

Fimmtudaginn 30. september verður erótíska hryllingskómedían Bannað börnum frumsýnd í Freyvangsleikhúsinu í Eyjafjarðarsveit. Bannað börnum sem er leikrit í fullri lengd er nýjasta viðbótin í „Haustverkefni Freyvangsleikhússins“ sem hleypt var af stokkunum síðasta haust með uppsetningu á Memento Mori eftir Hrefnu Friðriksdóttur. Bannað börnum er frumsamið verk eftir fjóra meðlimi Freyvangsleikhússins, þá Daníel Frey Jónsson, Hjálmar Arinbjarnarson, Karl Pálsson og Sverri Friðriksson en Daníel leikstýrir jafnframt sýningunni. Verkið var samið núna í sumar og byggir á íslenskum þjóðsögum um álfa og uppvakninga þó það gerist í nútímanum. Ungur maður hefur komist á snoðir um undarleg mannshvörf og tengir þau...

Gamanleikurinn Hetja verður frumsýndur í Landnámssetrinu Borgarnesi þann 25. September næstkomandi. Hetja er einleikur í leikstjórn Víkings Kristjánssonar þar sem Kári Viðarsson fer með öll hlutverkin. Verkið segir frá Landnámsmanninum Bárði Snæfellsás flóknu sambandi þeirra feðga Bárðar og Gests. Sýningin er ýkt og reiðir sig á ímyndunarafl áhofenda sem skipa stórann sess í sýningunni.  Sýningin var sett upp í nýju leikhúsi í Rifi á Snæfellsnesi í sumar og hlaut frábærar viðtökur áhorfenda og gagnrýnenda sem gáfu henni allir fjórar stjörnur. Sýningin er rúm klukkustund að lengd.1. Sýning – 25. Sept – 20.002. Sýning – 1. Okt – 20.003. Sýning...

Netverkið Herbergi 408 eftir Hrafnhildi Hagalín og Steinunni Knútsdóttur er tilnefnt til Evrópuverðlaunanna, Prix Europa 2010 í flokki nýmiðla. Verkið var frumflutt í netleikhúsinu Herbergi 408, sem stofnað var af höfundum vorið 2009. Netleikhúsið er eina leikhúsið sinnar tegundar hér á landi og má nálgast tilnefnda verkið í leikhúsinu á www.herbergi408.is. Verkið er gagnvirkt leikverk þar sem áhorfandinn getur valið ólíkar leiðir í gegnum söguna sem sögð er. Leikarar í verkinu eru Árni Pétur Guðjónsson, Harpa Arnardóttir og Aðalbjörg Árnadóttir en tónlist og hljóðmynd annast Kristín Björk Kristjánsdóttir.  Verðlaunaafhendingin fer fram 23. október næstkomandi og hlýtur vinningshafinn 6000 evrur...

Tveir íslenskir leikhópar, Stopp-leikhópurinn og Tímamótaverksmiðjan, og hljómsveitin Ljótu hálfvitarnir hyggjast heimsækja Færeyjar dagana 24.-26. septemberog  halda þar tónleika og sýna leiksýningar. Fyrst er þó ætlunin að hita upp fyrir ferðina hér heima fyrir og afla fjár til ferðarinnar og verða leiksýningarnar Bólu-Hjálmar og Jörundur því sýndar saman í Norræna húsinu kl. 20.00, laugardaginn 18. september. Ljótu hálfvitarnir halda jafnframt sína síðustu tónleika hérlendis á þessu ári á Rosenberg föstudaginn 17. september. Leiksýningarnar eiga það m.a. sammerkt að leikstjóri þeirra beggja er Ágústa Skúladóttir og höfundar Jörundar, Ármann Guðmundsson og Þorgeir Tryggvason, eru ásamt þeim Snæbirni Ragnarssyni og Sævari...