Author: lensherra

Hótel Volkswagen, nýju íslenskt verk eftir Jón Gnarr í leikstjórn Benedikts Erlingssonar verður frumsýnt á Stóra sviði Borgarleikhúsisns nk laugardag 24. mars kl 20. Jón Gnarr skrifaði verkið í embætti sínu sem leikskáld Borgarleikhússins á síðasta leikári áður en hann lét af því embætti til að taka við embætti borgarstjóra Reykjavíkur. Hótel Volkswagen er leikrit um brjóstumkennanlega gesti á hóteli þar sem ekkert er eins og af er látið og allt getur gerst. Leikstjóri er Benedikt Erlingsson en þeir Jón hafa áður unnið saman í þáttunum Fóstbræðrum sem eru fyrir löngu orðnir sígildir. Sex leikarar og tveir þýskir fjárhundar...

Þann 22. mars frumsýnir Gaflaraleikhúsið fjölskyldusýninguna Ævintýri Múnkhásens eftir Sævar Sigurgeirsson. Þetta er nýtt leikverk með söngvum, byggt á ótrúlegum ýkjusögum þekktasta lygara heimsins, þýska barónsins Múnkhásen (eða Karl Friedrich Hieronymus, Freiherr von Münchhausen). Leikstjóri er Ágústa Skúladóttir en tvö leikstjórnarverk hennar þar sem Sævar var meðal höfunda hafa unnið til Grímuverðlauna sem besta barnasýningin: Klaufar og kóngsdætur í Þjóðleikhúsinu 2005 og Bólu-Hjálmar hjá Stoppleikhópnum 2009. Þegar Múnkhásen sneri heim úr hernum, eftir bardaga í Rússlandi og Tyrklandi, sagði hann ótrúlega skrautlegar og krassandi lygasögur af ævintýrum sínum, þar sem hann átti meðal annars að hafa setið á fljúgandi...

Vegna góðrar aðsóknar hefur verið ákveðið að bæta við aukasýningu á Þeim glataða. Hún verður  sunnudaginn 25. mars kl. 20. Sá glataði nefnist nýtt íslenskt leikrit eftir Sigríði Láru Sigurjónsdóttur, leikstjóra og leikhópinn í leikstjórn Ágústu Skúladóttur sem Hugleikur frumsýndi í húsnæði leikfélagsins að Eyjarslóð 9 í seinasta mánuði. Að þessu sinni fæst Hugleikur við eitt af grundvallarritum vestrænnar menningar, sjálfa Biblíuna. Megin efniviðurinn eru dæmisögur Jesú í Nýja Testamentinu, bæði þessar alþekktu um glataða soninn og miskunnsama Samverjann en einnig aðrar minna þekktar sem gjarnan fjalla um peninga og kallast þannig með áþreifanlegum hætti á við samtímann. Ágústa...

Eftir stranga æfingatörn undanfarnar vikur frumsýnir Leikfélag Hofsóss nú í kvöld gamanleikinn Enginn með Steindóri eftir Nínu Björk Jónsdóttur. Þetta er fyrsta og enn sem komið er, eina leikrit Nínu Bjarkar í fullri lengd en hún hefur skrifað nokkra  styttri þætti fyrir leiksvið. Leikarar eru 9 talsins en auk þess kemur fjöldi aðstoðarmanna að sýningunni. Leikstjóri er Ingrid Jónsdóttir. Leikritið fjallar á gamansaman hátt um fjölskyldu bankastjórans Kristjáns Húnboga og Sigríðar Ingibjargar, konu hans, sem rekur „vel þekkt“ listagallerí. Þau hafa boðið tilvonandi tengdafjölskyldu yngri dótturinnar í heimsókn og valda gestirnir talsverðu uppnámi á heimilinu þar sem þau tilheyra...