Author: lensherra

Föstudaginn 1. apríl kl 20 frumsýnir Borgarleikhúsið í samstarfi við Ásrúnu Magnúsdóttur, Aude Busson og Alexander Roberts nýtt og nærgöngult verk með krökkum í öllum hlutverkum. Saman á sviðinu standa tíu börn á aldrinum átta til tólf ára sem hafa verið skilin eftir í heimi sem þau bjuggu ekki til. Þau taka yfir sviðið og eyða tíma saman, dansa, spila tónlist og tala við hvort annað. Börnin mæta heimi fullum af melankólíu, svartsýni, rómantík og ruglingi sem þau hafa erft en báðu aldrei um. Made in Children er á mörkum mikils vonleysis og öfgafullrar bjartsýni og er börnunum gefinn...

Leikdeild Höfrungs á Þingeyri frumsýndi Kardemommubæinn á liðinni helgi fyrir smekkfullu húsi. Tvær sýningar voru á fyrstu sýningarhelgi og er óhætt að segja að sýningin hafi fengið húrrandi gott start svo notað sé orðalag Kardemommubæjar. Á páskum verða þrjár sýningar á Kardemommubænum eftir Thorbjörn Egner í leikhúsinu á Þingeyri. Tvær sýningar verða á föstudaginn langa sú fyrri er kl. 13.00 og hin seinni er kl. 17.00. Einnig verður Kardemommubærinn sýndur á laugardeginum kl. 14.00. Miðasala á allar sýningar er hafin og langt komin því þegar þessi orð eru rituð eru aðeins örfá sæti laus á fyrri sýninguna á föstudag....

Borgarleikhúsið leitar nú að 22 börnum, sem geta sungið, dansað og leikið, til að fara með hlutverk í fyrstu uppfærslu næsta leikárs sem verður Sagan af bláa hnettinum eftir Andra Snæ Magnason. Bergur Þór gerir nýja leikgerð ásamt því að leikstýra og Kristjana Stefánsdóttir semur tónlistina. Æfingar hefjast í maí en áætluð frumsýning er 17. september. Allir krakkar á aldrinum 8 – 14 ára geta tekið þátt. Prufurnar fara fram dagana 7. til 15. apríl 2016. Skráning fer fram í Borgarleikhúsinu miðvikudaginn 6. apríl klukkan 15.00.  Á bláum hnetti lengst úti í geimnum búa ótal börn sem fullorðnast ekki....

Leikfélag Austur-Eyfellinga frumsýnir barna- og fjölskylduleikritið Fólk og ræningjar í Kardemommubæ laugardaginn 19. mars kl. 15.00 í Félagsheimilinu Heimalandi. Leikendur eru 17 en  30 – 40 manns koma að sýningunni. Leikstjóri er Sigurður Hróarsson. Ljósameistari er Þorsteinn Sigurbergsson og tólnlistarstjóri Ingibjörg Erlingsdóttir Leikarar eru á öllum aldri frá 10 – 70 ára.  Börnin sem taka þátt í leikritinu hafa öll verið í leiklistarkennslu hjá leikfélaginu undanfarin ár, sum allt að fjögur ár. Leiklistarkennslan fer fram allan veturinn einu sinni i viku. Það má segja að allt sveitarfélagið taki þátt í þessari uppfærslu.  Þáttakendur koma frá Skógum í austri og Hvolsvelli í vestri og alls...

Þór Ragnarsson, sem upphaflega átti að leika aðalhlutverkið í uppsetningu Leikfélags Fljótsdalshéraðs á verkinu Allra meina bót, er á leið í uppskurð eftir að hafa slasast á æfingu nokkrum dögum fyrir frumsýningu. „Það átti að kitla mig í verkinu og mig kitlar svo svakalega að á einni æfingunni flaug ég fram úr rúminu og lenti á því. Ég sleit taug í öxlinni og er á leið í uppskurð á morgun,“ segir Þór. „Þetta var fjórum dögum fyrir frumsýningu. Ég var sendur suður í myndatöku með hraði og fékk út úr henni tveimur dögum síðar.“ Einar Rafn Haraldsson, sem leikstýrir verkinu...