Kardemommubærinn í Heimalandi

Kardemommubærinn í Heimalandi

Leikfélag Austur-Eyfellinga frumsýnir barna- og fjölskylduleikritið Fólk og ræningjar í Kardemommubæ laugardaginn 19. mars kl. 15.00 í Félagsheimilinu Heimalandi. Leikendur eru 17 en  30 – 40 manns koma að sýningunni. Leikstjóri er Sigurður Hróarsson. Ljósameistari er Þorsteinn Sigurbergsson og tólnlistarstjóri Ingibjörg Erlingsdóttir

Leikarar eru á öllum aldri frá 10 – 70 ára.  Börnin sem taka þátt í leikritinu hafa öll verið í leiklistarkennslu hjá leikfélaginu undanfarin ár, sum allt að fjögur ár. Leiklistarkennslan fer fram allan veturinn einu sinni i viku.

Það má segja að allt sveitarfélagið taki þátt í þessari uppfærslu.  Þáttakendur koma frá Skógum í austri og Hvolsvelli í vestri og alls staðar að þar á milli.  Við höfum notið ákaflega mikillar velvildar í þessum undirbúningi, ekki síst frá sveitarfélaginu, sem hefur lánað okkur bíl til að koma leikurunum á æfingar og húsnæði okkur að kostnaðarlausu. Einnig hefur Stracta Hótel, gefið allt efni í sviðsmynd.  Nánast allir sem við leitum til með smíði, saumaskap, leikumuni og annað eru boðnir og búnir til að hjálpa. Þetta jákvæða viðhorf til þessa starfs er ómetanlegt og þakkar vert.

Frumsýning 19. mars kl. 15:00
2. sýning 21. mars kl. 17:00
3. sýning 23. mars kl. 15:00
4. sýning 26.  mars kl. 15:00
5. sýning 28. mars kl. 15:00

Miðapantanir á leikfelagausture@gmail.com eða í síma 846-0781 milli 10 og 12.

0 Slökkt á athugasemdum við Kardemommubærinn í Heimalandi 1103 17 mars, 2016 Allar fréttir, Vikupóstur mars 17, 2016

Áskrift að Vikupósti

Karfa