Þá er loksins komið að því að áhorfendur geti séð uppfærslu á verkinu “Láttu ekki deigan síga Guðmundur”, hjá Leikfélagi Siglufjarðar í leikstjórn hins magnaða leikstjóra Guðjóns Sigvaldasonar. Höfundar eru Hlín Agnarsdóttir og Edda Björgvinsdóttir.
Frumsýnt verður þann 27. október í Bíó Café og hefst sýningin kl. 21:00. Húsið opnar kl. 20:00.
Félagar í L.S. hafa lagt nótt við dag síðustu viku við að leggja lokahönd á sviðsmynd, búninga og annað og því hafa mörg grútsyfjuð andlit sést á mörgum vinnustöðum bæjarins sem og í Grunnskólanum, en leikfélagið nýtur stuðnings nemenda í leiklist í Grunnskóla Siglufjarðar.
Næstu sýningar eru fyrirhugaðar:
29. október kl. 20:30
2. nóvember kl. 20:30
Athugið að húsið opnar ætíð klukkustundu fyrir sýningu.
Aðgangseyrir:
Fullorðnir: 2.000.- kr.
Börn 12 ára og yngri og ellilífeyrisþegar: 1.300.- kr.
Hláturinn lengir lífið!
