Gosi frumsýndur í Borgarleikhúsinu

Gosi frumsýndur í Borgarleikhúsinu

Laugardaginn 13. október kl. 14.00 verður leikritið Gosi eftir Karl Ágúst Úlfsson frumsýnt á Stóra sviði Borgarleikhússins. Verkið byggir á hinni heimsfrægu sögu ítalans Carlo Collodi um spýtustrákinn sem öðlast líf og ratar í einfeldni sinni í ótal ævintýri. Leikstjóri er Selma Björnsdóttir og tónlist er eftir Þorvald Bjarna Þorvaldsson.


Allir þekkja ævintýrið um Gosa. Leikfangasmiðurinn barnlausi, Jakob, sker út strengjabrúðu á töfrastund og brúðan lifnar við. Þarna reynist vera ótaminn og óstýrilátur strákur, Gosi að nafni. Hann óhlýðnast föður sínum og í stað þess að mæta í skólann stefnir Gosi á vit vafasamra ævintýra sem reka hann á ótrúlegustu staði. Með þátttöku í ævintýrunum skerpist samviska hans, hann lærir, þroskast og í lokin fórnar hann lífi sínu fyrir föður sinn. En vegna ástarinnar sem feðgarnir bera hvor til annars öðlast Gosi nýtt líf, raunverulegt hjarta sem slær og von um innihaldsríka ævi.
Leiksýning fyrir alla fjölskylduna.


 
Hljóð: Magnús H. Viðarsson

Leikgervi: Sigríður Rósa Bjarnardóttir

Dans: Birna og Guðfinna Björnsdætur

Lýsing: Halldór Örn Óskarsson

Búningar: María Ólafsdóttir

Leikmynd: Vytautas Narbutas

Tónlistarstjórn: Þorvaldur Bjarni Þorvaldsson

Leikstjórn: Selma Björnsdóttir


 
Leikarar:
Gosi: Viðir Guðmundsson með önnur hlutverk fara:
Aðalbjörg Þóra Árnadóttir, Davíð Guðbrandsson, Halldór Gylfason, Jóhann G. Jóhannsson, Jóhann Sigurðsson, Kristjana Skúladóttir, Magnús Jónsson, Pétur Einarsson og Sverrir Þór Sverrirsson (Sveppi) auk þess fara 12 börn með hlutverk í sýningunni.
 

{mos_fb_discuss:2}

 
0 Slökkt á athugasemdum við Gosi frumsýndur í Borgarleikhúsinu 1545 11 október, 2007 Allar fréttir október 11, 2007

Áskrift að Vikupósti

Karfa