IATA/AITA hátíð í Belgíu 2015

IATA/AITA hátíð í Belgíu 2015

Dagana 6.-13. júlí 2015 verður alþjóðleg leiklistarhátið áhugamanna haldin í Westouter í Belgíu. Hátíðin er haldin annað hvert ár víðsvegar um heiminn, sú síðasta var haldin í Monaco 2013. Hátíðin er á vegum Alþjóða áhugaleikhúsráðsins IATA/AITA. Til hennar er boðið leiksýningum alls staðar að út heiminum og lögð áhersla  á að allar heimsálfur eigi þar fulltrúa. Undirbúningur þessara hátíða tekur langan tíma og þess vegna þarf að tilkynna þátttöku með löngum fyrirvara. Hér með er auglýst eftir umsóknum en allar upplýsingar um hátíðina, reglur hennar og markmið má finna á heimasíðu hennar http://www.spotsopwest.org/en/festival-2015

Sækja skal um fyrir 25. september.

Valferlið er á þessa leið:

1. Byrjað er á að þau lönd sem hafa áhuga á þátttöku tilkynni það til hátíðahaldara. Það hefur þegar verið gert fyrir Íslands hönd.

2. Hér með er augllýst eftir umsóknum frá aðildarfélögunum Bandalagsins en val á sýningu þarf að hafa farið fram fyrir 1. október 2014 og allar upplýsingar um viðkomandi sýningu sendar til Belgíu.
Sótt er um til skrifstofu Bandalagsins fyrir 25. september nk.
Með umsókn þarf að fylgja upptaka af sýningu og helstu upplýsingar um höfund, leikstjóra, fjölda þáttakenda og tilnefna þarf tengilið, nafn, síma og netfang.
Athugið að sýningarlengd má mest vera 45 min.

3. Þann 15. nóvember verður svo tilkynnt hvaða sýningar hljóta náð fyrir augum hátíðarhaldara.

0 Slökkt á athugasemdum við IATA/AITA hátíð í Belgíu 2015 497 01 september, 2014 Námskeið & hátíðir september 1, 2014

Áskrift að Vikupósti

Karfa