Blessað barnalán í Hveragerði

Blessað barnalán í Hveragerði

Leikfélag Hveragerðis æfir nú af kappi leikritið Blessað barnalán eftir Kjartan Ragnarsson. Leikstjóri er Sigurður Blöndal sem enn á ný leggur Leikfélaginu  til krafta sína. Fyrsta leikritið sem hann leikstýrði fyrir 10 árum síðan var Týnda teskeiðin, líka eftir Kjartan. Hann leikstýrði einnig  Emil í Kattholti, Dýrunum í Hálsaskógi og Kardemommubænum hjá Leikfélaginu sem öll hafa náð metaðsókn.

Leikarar eru 11 og með helstu hlutverk fara Hafdís Guðmundsdóttir, Aðalheiður Ásgeirsdóttir, Guðmundur Erlingsson og Viktoría Kristinsdóttir. Til gamans má geta þess að tvær dætur Viktoríu þær Þórey og Aðalheiður fara einnig með hlutverk í leiknum. Þórey sem er ung að aldri fór með eitt af aðalhlutverkum í sýningunni Galdra Lofti sem sýnd var fyrir áramót og vakti verðskuldaða athygli. Leikritið er sprenghlægilegur farsi sem enginn ætti að láta fram hjá sér fara. Stefnt er að frumsýningu um næstu mánaðarmót og verða sýningar auglýstar í sunnlennskum miðlum þegar nær dregur.

{mos_fb_discuss:2}

0 Slökkt á athugasemdum við Blessað barnalán í Hveragerði 552 11 febrúar, 2011 Allar fréttir febrúar 11, 2011

Áskrift að Vikupósti

Karfa