Bandalag íslenskra leikfélaga

Leiklistarvefurinn er þjónustu- og upplýsingavefur Bandalags íslenskra leikfélaga. Vefurinn þjónar öllum þeim sem stunda leiklist á Íslandi í hvaða formi sem það er.

Bandalag íslenskra leikfélaga

er samtök áhugaleikfélaga á Íslandi, stofnuð árið 1950. Í samtökunum eru á milli 40-50 leikfélög sem starfa vítt og breitt um landið. Fjöldi einstaklinga í félögunum er u.þ.b. 4.000. Bandalagið rekur einu þjónustumiðstöð leiklistarinnar hérlendis og þjónar ekki einungis áhugaleikfélögum, heldur öllum þeim sem starfa að málefnum leiklistar á landinu. Þar eru seldar förðunarvörur og þar er að finna stærsta leikritasafn landsins. Starfsfólk þjónustumiðstöðvarinnar aðstoðar við útvegun sýningarleyfa og sér um innheimtu höfundargreiðslna, auk þess að veita ráðgjöf um ýmislegt sem við kemur leiklist. Bandalagið starfrækir Leiklistarskóla og heldur úti þessum vef, www.leiklist.is.

Bandalagið nýtur stuðnings Mennta- og menningarmálaráðuneytisins í starfsemi sinni.

Að sækja um inngöngu í Bandalag íslenskra leikfélaga:

Félagið þarf að semja sér lög og kjósa sér stjórn. Gæta þarf þess að lögin stangist ekki á við lög Bandalags íslenskra leikfélaga, sjá hér að neðan. Sækja þarf um kennitölu hjá Hagstofunni. Senda síðan tölvupóst á netfangið info@leiklist.is þar sem óskað er inngöngu. Þar þarf að tilgreina stjórnarmenn, embætti þeirra, heimilsföng, símanúmer og netföng. Lög félagsins þurfa að fylgja. Inntökubeiðni er send stjórn Bandalagsins og hún afgreidd innan viku. Þegar inntökubeiðni hefur verið samþykkt þarf félagið að staðfesta aðild sína með greiðslu árgjalds.

Kynbundin og kynferðisleg áreitni og ofbeldi

Bandalagið hefur sett sér verklagsreglur um viðbrögð við kynbundinni og kynferðislegri áreitni og ofbeldi í leiklistarstarfi. Reglurnar er að finna hér.

Þjónustumiðstöð og skrifstofa

Bandalagið rekur skrifstofu og þjónustumiðstöð að Kleppsmýrarvegi 8, 104 Reykjavík. Sjá nánar hér.

Menningarstefna

Bandalagið hefur mótað sér Menningarstefnu og samþykkir Starfsáætlun fyrir hvert leikár.

Lög BÍL
Hér eru Lög Bandalagsins

Sameiningarsöngurinn

Já, og við eigum okkar söng….Allt fyrir andann.

Ársrit Bandalagsins

Á hverju ári eru teknar saman í ársrit helstu upplýsingar um starfsemi aðildarfélaga Bandalagsins. Ársritin er hægt að nálgast á PDF-formi hér fyrir neðan.