MENNINGARSTEFNA BANDALAGS ÍSLENSKRA LEIKFÉLAGA
Blómleg starfsemi og fjöldi leikfélaga hér á landi vitnar um að leiklistin er almenningseign. Stór hópur fólks, óháð aldri, kyni og þjóðfélagsstöðu, nýtir frítíma sinn í skapandi starf og vinnur saman að leiklist. Bandalag íslenskra leikfélaga vill vinna að þróun og eflingu leiklistar með því:
að stuðla að uppbyggingu leiklistarstarfs í öllum byggðarlögum.
að gera áhugafólki kleift að afla sér menntunar í listinni og skapa því aðstöðu til að þroskast í menningarlegu og faglegu tilliti.
að stuðla að því að börn og ungingar kynnist leiklist, jafnt sem þátttakendur og áhorfendur.
að starfa með atvinnufólki að því markmiði að leiklistinni verði ætíð tryggð þroskavænleg skilyrði.
að stuðla að samskiptum og samvinnu leiklistaráhugafólks á norrænum og alþjóðlegum vettvangi.
að hvetja til að listrænn metnaður og virðing fyrir leiklistinni sé leiðarljós allra áhugaleikara.
að halda á lofti gildi þeirrar reynslu sem fæst með samstarfi og í samneyti við annað fólk.
