Author: lensherra

Þriðjudaginn 16. maí heldur leikfélagið Hugleikur til Rússlands og tekur þátt í tveimur leiklistarhátíðum þar í landi í boði rússneska áhugaleikhússambandsins með sýninguna Undir hamrinum eftir Hildi Þórðardóttur í leikstjórn Ágústu Skúladóttur. Hugleikur hefur gert víðreist undanfarin ár með ýmsar sýningar og einatt hlotið mikið lof fyrir. Undir hamrinum var fulltrúi Íslands á Norður-evrópsku leiklistarhátíðinni í Eistlandi 2004 og var í framhaldinu valin á alþjóðlega leiklistarhátíð IATA/AITA, í Mónakó, en þar hrifust útsendarar rússneska bandalagsins af sýningunni og buðu henni austur. Verkið var upphaflega sýnt af Hugleik árið 2003 og fjallar á gróteskan hátt um þekkt minni úr íslenskum þjóðsagna- og menningararfi. Í verkinu segir frá presti og vandræðum hans við að gifta dóttur sína ríkum en ógeðfelldum bónda, baráttu hinnar dóttur hans við að fá að bindast fátækum dreng af næsta koti, og stríði kotbóndans við prestinn um bithaga. Inn í verkið blandast svo ást gamallar fóstru prestdætranna á hinu forna Sætröllskvæði. Efnistök bæði höfundar og leikstjóra einkennast af stílfærðum ólíkindum sem miðla innihaldinu sterkt til erlendra leikhúsunnenda þó leikið sé á Íslensku. Sömu áhrif hefur tónlistin sem mikið er af í verkinu og að vanda frumsaminn af hugleiksmönnum, að þessu sinni Birni Thorarensen og Þorgeiri Tryggvasyni. Hátíðirnar tvær eru annarsvegar í iðnaðarborginni Lípétsk, sem er nokkru fyrir sunnan Moskvu, en hin í Sjolíkovo, sem mun vera n.k. sumardvalarstaður sem mikið er stundaður af leikhúsfólki. Í næsta nágrenni...

Þriðjudaginn 16/5 og miðvikudaginn 17/5 verður boðið uppá sviðsetta leiklestra á Litla sviði Borgarleikússins. Verkefnið er unnið í samstarfi við Listaháskóla Íslands, Listahátíð og Leiklistarsamband Íslands. Leiklestrunum er ætlað að kynna þau verk sem tilnefnd eru til norrænu leiklistarverðlaunanna. Um leiklesturinn sjá leikarar Borgarleikhússins og útskriftarhópur leiklistardeildar Listaháskóla Íslands.   Dagskrá leiklestaranna:   Þriðjudag 16/5 kl. 17:00 verða flutt verkin Svefn eftir Jon Fosse frá Noregi í leikstjórn Guðjóns Pedersen og Kynlíf, eiturlyf og ofbeldi eftir Mathias Andersson frá Svíþjóð í leikstjórn Péturs Einarssonar.   Miðvikudag 17/5 kl. 17:00 verða flutt verkin Aska Gosa eftir Jokum Rohde frá Danmörku í leikstjórn Steinunnar Knútsdóttur og Rauðir Úlfar eftir Kari Hotakainen frá Finnlandi í leikstjórn Guðjóns Pedersen, en það verk er vinningsverkið í ár.   Aðgangur er ókeypis og allir áhugasamir...

Heimspeki- og menningarfélag Menntaskólans á Akureyri í samstarfi við Leikklúbbinn Sögu standa fyrir uppsetningu á leikritinu Fyrir luktum dyrum eftir Jean-Paul Sartre. Verkið er sett upp eftir þýðingu Ásgeirs Berg Matthíassonar, nema á fjórða ári við Menntaskólann. Einhverjir kunna að þekkja hann sem fyrirliða Gettu Betur liðs MA. Skúli Gautason leikari og leikstjóri með meiru leikstýrir. Leikendur eru fjórir, þau Ævar Þór Benediktsson, Lilja Guðmundsdóttir, Jóhanna Vala Höskuldsdóttir og Hafliði Arnar Hafliðason.  Þau eru öll fyrrverandi MA-ingar, nema Hafliði sem lýkur stúdentsprófi frá MA nú í vor. Verkið fjallar í stórum dráttum um þrjár manneskjur sem deyja og dæmast til helvítisvistar.  Þegar niður er komið komast þau að raun um að helvíti er hvorki eldur, brennisteinn né líkamlegar kvalir heldur sjá þau um að kvelja hvort annað í sjálfsköpuðu víti. Verkið var frumsýnt á Litla-Hrauni þann 12.maí síðastliðinn og daginn eftir norðan heiða í Deiglunni í Listagilinu á Akureyri.  Verkið er eitt af þekktari verkum bókmenntasögu 20. aldarinnar og heitir á frummálinu Huis clos eða No Exit á ensku. Frumsýnt er á Litla-Hrauni því við trúum því að heimspeki Sartre geti hjálpað öllum og ekki síst þeim sem þegar hafa verið dæmdir af samfélaginu. Vel mögulegt er að vistmenn geti fundið einhverja samsvörum með verkinu og sínu eigin lífi. Að sjálfsögðu er þetta gert af fullri virðingu við vistmenn og þeirra aðstæður. Sýningartímar eru sem hér segir: Þri 16.maí...