lensherra | Leiklistarvefurinn

Purpura, frumsýning á Íslandi

Leiklistarvefurinn | ágú 14, 2006 | Fréttir |

Föstudaginn 18. ágúst, mun Leikhópurinn Jelena frumsýna sitt fyrsta verk, Purpura. Verkið heitir Lilla á upprunamálinu og er fyrsta uppsetning á Íslandi eftir einn mest leikna rithöfund Evrópu í dag, Jon Fosse. Verkið var þýtt af Álfrúnu Örnólfsdóttur en leikstjóri sýningarinnar er Friðrik Friðriksson. Fylgst er með kvöldstund í lífi nokkurra unglinga þar sem þau hittast í æfingahúsnæði hljómsveitar. Verkið endurspeglar ástandið að vera unglingur, hvorki barn né fullorðinn heldur einhvers staðar á milli. Ekkert er öruggt, það er allt á hreyfingu frá einum stað til annars. Krakkarnir eiga oft erfitt með að segja nákvæmlega hvað þeim finnst en...

Sjá meira

Hryllingsbúðin og Brúðkaupið

Leiklistarvefurinn | ágú 14, 2006 | Fréttir |

Síðustu aukasýningar hjá LA frá fyrra leikári. Sem kunnugt er var gríðarleg aðsókn að sýningum LA á síðasta leikári. Aldrei hafa fleiri sótt sýningar leikhússins á Akureyri en til viðbótar sóttu þúsundir leikhúsgesta sýningar leikhússins í Reykjavík. Tvær sýningar voru á fjölum syðra í vor, Fullkomið Brúðkaup og Litla hryllingsbúðin. Til að mæta fjölda áskorana verða örfáar aukasýningar á verkunum nú í haust. Fullkomið brúðkaup verður sýnt í Austurbæ í ágúst en Litla hryllingsbúðin snýr aftur til Akureyrar í september. Fullkomið brúðkaup er löngu orðin vinsælasta sýning LA frá upphafi. Hún sló öll aðsóknarmet á Akureyri og setti...

Sjá meira

Frú Norma frumsýnir

Leiklistarvefurinn | ágú 11, 2006 | Fréttir |

Atvinnuleikhópurinn Frú Norma hefur verið stofnaður á Austurlandi. Stofnendur eru þau Halldóra Malin Pétursdóttir, leikkona, Stefán Benedikt Vilhelmsson, leiklistarnemi og Guðjón Sigvaldason, leikstjóri. Auk þeirra starfa með hópnum þau Kristrún Jónsdóttir, búningahönnuður, Ríkharður Hjartar Magnússon, leikmyndasmiður, Bergvin Snær Andrésson, ljósamaður, Árni Geir Lárusson, tónlistarmaður og Kristín Nanna Vilhelmsdóttir sem aðstoðar við handritsgerð. Fyrsta sýning hópsins verður sýningin "Nátthrafnar" sem er tilraunaverkefni. Verkið er afrakstur 16 daga þróunarvinnu og er stefnt að því að verkið verði þróað áfram og sýnt í fullri lengd sumarið 2007 á Egilssstöðum. Frú Norma er eini starfandi atvinnuleikhópurinn á Austurlandi og einn af...

Sjá meira

Síðustu sýningar á Máfnum

Leiklistarvefurinn | ágú 10, 2006 | Fréttir |

Leikfélagið Sýnir sýnir leikritið Máfinn eftir Anton Tjekhof. Leikstjóri er Guðjón Þorsteinn Pálmarsson, Denni, en hann leikstýrði einnig uppsetningu leikfélagins á Stútungasögu í Heiðmörk fyrir tveimur árum. Sýningum fer að ljúka, en aðeins eru eftir tvær sýningar, fimmtudagurinn 10. ágúst klukkan 19:00 í Elliðaárdal laugardagurinn 12. ágúst klukkan 17:00 á Dalvík – Fiskideginum mikla, sýnt í Hánefsstaðareit í Svarfaðardal Leikhópurinn hefur æft síðan 20. júní og hefur nálgast leikritið sem hæfilega blöndu af tragedíu og kómík í leit sinni að kjarnanum en hann snýst meðal annars um hvað það er sterkt í mannskepnunni að halda að grasið sé alltaf grænna hinu megin. Í helstu hlutverkum eru Júlía Hannam sem Arkadína, Halldór Magnússon sem Trígorín, Guðmundur Lúðvík Þorvaldsson sem Tréplev, Aldís G. Davíðsdóttir sem Nína og Rúnar Lund sem Sorin. Aðrir leikarar eru Gísli Björn Heimisson, Sigsteinn Sigurbergsson, Anna Bergljót Thorarensen, Dýrleif Jónsdóttir, Ármann Guðmundsson, Arnar Ingvarsson, Hörður Skúli Daníelsson og Ásta Gísladóttir. Um tónlistina í sýningunni sér blokkflautukvartett undir stjórn Snæbjarnar Ragnarssonar, Bibba, en hefur m.a. samið tónlist fyrir Hugleik, Leikfélag Kópavogs og Leikfélag Hafnarfjarðar við góðan orðstír. Um búninga sér Kristín Gísladóttir. Leikritið er sýnt í stóra rjóðrinu í hólmanum en farið er göngustíginn frá Rafveituheimilinu, yfir bogabrúna og er þá komið að rjóðrinu. Áhorfendur eru hvattir til þess að taka með sér púða og/eða teppi og gott er að taka ferðastól með ef fólk getur ekki setið...

Sjá meira

Úti bíður andlit á glugga

Leiklistarvefurinn | ágú 9, 2006 | Gagnrýnandinn |

Um þessar mundir er verið að sýna einleikinn Úti bíður andlit á glugga í gamla pósthúsinu á Borgarfirði Eystra. Höfundur, leikari og leikstjóri er Halldóra Pétursdóttir. Sesselja Traustadóttir var á staðnum og hér kemur umfjöllun hennar um sýninguna: Laugardaginn 28. júlí var gríðarlega mikið um að vera á Borgarfirði eystra. Veðrið lék við heimamenn og gestir flykktust til bæjarins. Aldrei hefur annar eins fjöldi komið saman á tjaldstæðinu og við flesta bæi og í görðum heimamanna voru misstórar tjaldbúðir. Alls staðar var fólk og einstök stemmning myndaðist. Stórtónleikar söngkonunnar Emiliönu Torrini og Belle & Sebastian voru haldnir í Bræðslunni....

Sjá meira