Author: lensherra

Uppselt hefur verið á fyrstu fimmtán sýningar á Sjóræningjaprinsessuna, nýtt íslenskt barna- og fjölskylduleikrit með söngvum sem Leikfélag Selfoss sýnir um þessar mundir. Litlir og stórir, ungir sem gamlir og allt þar á milli hafa skemmt sér konunglega á sýningum og greinilegt að margir efnilegir sjóræningjar leynast í hópi áhorfenda þar sem þeir hafa eftir sýningar líst yfir áhuga á að ganga til liðs við Kaptein Gulltönn og áhöfn hans. Leikritið verður sýnt verður út aprílmánuð en þeim sem vilja bera sýninguna augun er ráðlagt að tryggja sér miða í tíma þar sem fullt er að verða á þær...

Nú um helgina verða loksýningar hjá Leikfélagi Keflavíkur á hryllingssöngleiknum Hin illa dauðu. Leikfélagið þurfti að leigja ýmsan tæknibúnað fyrir þessa sýningu og er leigutíminn útrunninn. Þetta verða því allra síðustu sýningar og lokatækifæri fólks til að sjá þetta frábæra verk sem hlotið hefur mikið lof gagnrýnenda. Sýningin tekur þátt i samkeppninni um áhugaverðustu áhugaleiksýningu ársins hjá Þjóðleikhúsinu og tilkynnt verður í byrjun maí hvaða sýning verður fyrir valinu. Leikfélagið mun að loknum þessum sýningum æfa upp leikritið Sex í sveit sem sýnt verður á einni stórri sýningu í Andrews Theater fyrir Flugger fyrirtækið þann 30. apríl nk. Eftir...

Í gær voru slétt 121 ár frá því að Leikfélag Sauðárkróks var stofnað en það var 13. apríl 1888. Þetta var níu árum áður en þeir stofnuðu leikfélag í Reykjavík. LS starfaði af miklum móð í tvo áratugi, en lagðist svo í dvala. Var endurreist árið 1941 og hefur í tæp sjötíu ár verið burðarásinn í blómlegu skagfirsku leiklistarlífi. Í ár er haldið uppá tímamótin með því að sýna á Sæluviku verkið Frá okkar fyrstu kynnum, eftir Jón Ormar og Guðbrand Ægi. Auk þess verður gefið út afmælisrit félagsins sem Unnar Ingvarsson hefur umsjón með. Frá okkar fyrstu kynnum...