Author: lensherra

Föstudaginn 18. og laugardaginn 19. nóvember verða síðsutu sýningar hjá Litla leikklúbbnum á leikritinu Dampskipið Ísland eftir Kjartan Ragnarsson í Edinborgarhúsinu á Ísafirði. Frumsýnt var 21. október og hafa nú þegar verið sýndar 8 sýningar. Leikstjóri er Halldóra Björnsdóttir. Leikritið gerist um borð í farþegaskipi á leið til Íslands á millistríðsárunum. Um borð er ung kona, Tina Larsen að nafni, en hún er á leið til landsins eftir að hafa dvalið langdvölum í Kaupmannahöfn. Á leiðinni kynnist Tina samferðamönnum sínum sem sumir hverjir hafa ýmislegt að fela. Tónlistin spilar stórt hlutverk við að skapa réttu stemninguna, en inn í...

Unglingadeild Leikfélags Kópavogs frumsýnir glænýtt leikverk er nefnist Vertu úti sunnudaginn 20. nóvember kl. 20.00. Verkið er byggt á þekktum þjóðsögum og þjóðsagnaminnum. Hér segir frá systkinum sem leggja á Heiðina þegar allra veðra er von, fleiri reynast vera á sveimi á sama tíma. Fólk hittist eða fer á mis og allra bíða margvísleg örlög. Níu leikarar taka þátt í sýningunni sem er í leikstjórn Grímu Kristjánsdóttur. Sýningar eru í Leikhúsinu, Funalind 2, og hefjast kl. 20.00. Miðapantanir eru í midasala@kopleik.is eða í síma 554-1985.Nánari upplýsingar á www.kopleik.is....

Það er mikið um að vera í Litla leikhúsinu við Sigtún um þessar mundir hjá Leikfélagi Selfoss. Sýningum á hinu skemmtilega barnaleikriti Rúi og Stúi er nýlokið og vill leikfélagið þakka öllum þeim sem komu á sýninguna kærlega fyrir komuna en aðsókn og viðtökur voru einstaklega góðar. En þó að sú sýning hafi runnið sitt skeið er margt spennandi framundan. Helgina 19. – 20. nóvember verður námskeið í gervi og förðun undir leiðsögn Kristínar Thors og eru enn laus pláss á námskeiðið. Námskeiðið er opið öllum en Kristín hefur mikla reynslu í sínu fagi. Hið vinsæla Hugarflug verður haldið...

Aðalfundur Leikfélagsins Sýnir verður haldinn miðvikudaginn 16. nóvember kl 20.00 að Sogavegi 115, 2. hæð til vinstri. Á dagskrá verða venjuleg aðalfundarstörf, þ.á.m. kosning nýrrar stjórnar en ljóst er að kosinn verður nýr formaður og nýr gjaldkeri. Einnig verða ræddar hugmyndir um starfið framundan. Gamlir jafnt sem nýir félagar velkomnir og áhugasamir eru hvattir til að að mæta....

Sökum mikillar eftirspurnar hefur leikhópurinn Aldrei óstelandi ákveðið að bæta við aukasýningu Á Fjalla-Eyvindi næstkomandi laugardag, 12.nóvember kl 20:00. Leiksýningin Fjalla-Eyvindur var frumsýnd í Norðurpólnum í janúar 2011. Sýningin hlaut einróma lof gagnrýnenda og var tilnefnd til Grímunnar 2011 sem besta sýning ársins og í kjölfarið var henni boðið á alþjóðalegu leiklistarhátíðina Lokal. Fjalla-Eyvindur er ein af perlum íslenskra leikbókmennta og er byggð á hinni kunnu þjóðsögu um útilegumanninn Fjalla-Eyvind og kvonfang hans Höllu. Fjalla Eyvindur er ein magnaðasta ástarsaga íslensks leiksviðs og fjallar um stórar ástir og miklar fórnir, flókið samband karls og konu sem talar jafn mikið...