Author: lensherra

Jólasýning Peðsins í ár er gamansöngleikurinn Andakt eftir Guðjón Sigvaldason í leikstjórn Vilhjálms Hjálmarssonar.Tónlistin er eftir Kormák Bragason, Inga Gunnar Jóhannsson, Ásgeir Jónsson, Magnús R. Einarsson og Tómas Tómasson. Peðið sýnir síðustu sýningar á Andakt nú fyrir jól á sunnudaginn kemur, 18. desember kl. 16.00 og 18.00 á Gallerý Bar 46, Hverfisgötu 46, Reykjavík. Andakt er eins konar hugleiðing um inntak jólanna en frá ansi óvæntum hliðum. Með verkinu er ekki verið að snúa hefðbundnum gildum á haus og það er heldur ekki verið setja út á jólahátíðina sjálfa. Nei, ekki aldeilis. Það má skilja á þátttakendum í sýningunni að...

Hugleikur fæst nú við eitt af grundvallarritum vestrænnar menningar, sjálfa Biblíuna. Nánar tiltekið dæmisögurnar í Nýja Testamentinu. Bæði þessar alþekktu um glataða soninn og miskunnsama Samverjann og aðrar minna þekktar sem gjarnan fjalla um peninga, merkilegt nokk. Ágústa Skúladóttir sér um að þræða þessar perlur upp á band með leikhópnum sem innheldur bæði gamlar og gljáfægðar Hugleikskanónur og ferska og ilmandi nýliða. Áætlað er að frumsýna útkomuna um mánaðarmótin janúar-febrúar....

Heimsljós eftir Halldór Laxness í leikgerð Kjartans Ragnarssonar er jólafrumsýning Þjóðleikhússins 2011. Heimsljós, ein ástsælasta saga Nóbelsskáldsins, er heillandi verk um fegurðarþrána, veraldlega fátækt og andleg auðæfi. Verkið er nú sett á svið í nýrri leikgerð Kjartans Ragnarssonar leikstjóra, en leikgerðinni til grundvallar liggur skáldsagan í heild sinni. Frumsýnt verður 26. desember. Heimsljós, sem kom út í fjórum hlutum á árunum 1937 til 1940, er saga fátæka alþýðuskáldsins Ólafs Kárasonar Ljósvíkings. Í æsku er hann niðursetningur á bænum Fæti undir Fótarfæti en síðar flytur hann til þorpsins Sviðinsvíkur. Alla ævi er hann fátækur, smáður og utanveltu. En engu að...

Hilmar Guðjónsson leikari hefur verið valinn í hóp 10 efnilegustu leikara Evrópu, Shooting Star (http://www.shooting-stars.eu/) . Þetta er í fyrsta sinn sem Íslendingur er valinn í þennan hóp (eftir að skilyrði voru sett sem takmarka fjölda útvalinna við 10 leikara í allri Evrópu). Shooting Star hópurinn kosinn af alþjóðlegri dómnefnd og kynntur fyrir alþjóðlegum fagaðilum á kvikmyndahátíðinni í Berlín, sem næst er haldin 9. – 19. febrúar 2012. Á hátíðinni er kastljósinu beint að hópnum og viðburðurinn til þess gerður að vera eins konar stökkpallur til alþjóðlegs frama fyrir þátttakendur. European Film Promotion stendur fyrir Shooting Star en Kvikmyndamiðstöð...

Í verslun Bandalags íslenskra leikfélaga að Kleppsmýrarvegi 8 er hægt að kaupa frumlegar og skemmtilegar jólagjafir fyrir leikhúsáhugafólk og börn. Þar fást t.d. andlitslitir í yfir 40 litum, bæði stakir og í pallettum, gerviskegg, augnhár, gerviblóð og margt fleira spennandi. Þar fást að sjálfsögðu líka fjölmörg leikrit og ekki má gleyma sögu Bandalagsins, Allt fyrir andann, sem er skyldulesning alls Bandalagsfólks. Verslunin verður opin alla virka daga til og með 22. desember og við sendum hvert á land sem er í póstkröfu....