Jólafrumsýning Þjóðleikhússins – Heimsljós

Jólafrumsýning Þjóðleikhússins – Heimsljós

Heimsljós eftir Halldór Laxness í leikgerð Kjartans Ragnarssonar er jólafrumsýning Þjóðleikhússins 2011. Heimsljós, ein ástsælasta saga Nóbelsskáldsins, er heillandi verk um fegurðarþrána, veraldlega fátækt og andleg auðæfi. Verkið er nú sett á svið í nýrri leikgerð Kjartans Ragnarssonar leikstjóra, en leikgerðinni til grundvallar liggur skáldsagan í heild sinni. Frumsýnt verður 26. desember.

Heimsljós, sem kom út í fjórum hlutum á árunum 1937 til 1940, er saga fátæka alþýðuskáldsins Ólafs Kárasonar Ljósvíkings. Í æsku er hann niðursetningur á bænum Fæti undir Fótarfæti en síðar flytur hann til þorpsins Sviðinsvíkur. Alla ævi er hann fátækur, smáður og utanveltu. En engu að síður er skáldið „tilfinníng heimsins, og það er í skáldinu sem allir aðrir menn eiga bágt“.

Í sýningunni munu þeir Hilmir Snær Guðnason og Björn Thors túlka persónu Ljósvíkingsins samtímis. Aðrir leikarar eru Arnar Jónsson, Guðrún Snæfríður Gísladóttir, Jóhannes Haukur Jóhannesson, Lára Sveinsdóttir, Lilja Guðrún Þorvaldsdóttir, Ólafía Hrönn Jónsdóttir, Ólafur Egill Egilsson, Pálmi Gestsson, Stefán Hallur Stefánsson, Svandís Dóra Einarsdóttir, Vigdís Hrefna Pálsdóttir, Þorsteinn Bachmann, Þórunn Arna Kristjánsdóttir og Ævar Þór Benediktsson

Leikstjórn og leikgerð: Kjartan Ragnarsson.
Leikmynd: Gretar Reynisson.
Búningar: Helga I. Stefánsdóttir.
Tónlist: Kjartan Sveinsson.  
Lýsing: Halldór Örn Óskarsson.

{mos_fb_discuss:2}

0 Slökkt á athugasemdum við Jólafrumsýning Þjóðleikhússins – Heimsljós 244 13 desember, 2011 Allar fréttir desember 13, 2011

Áskrift að Vikupósti

Karfa