Author: lensherra

Um næstu helgi, 26. og 27. janúar, heldur Þjóðleikhúsið í leikferð norður yfir heiðar með Með fulla vasa af grjóti. Í verkinu kynnumst við fjölda skrautlegra og skemmtilegra persóna. Hilmir Snær Guðnason og Stefán Karl Stefánsson fara með öll fjórtán hlutverkin í sýningunni, og bregða sér jafnt í gervi karla sem kvenna, og ungra sem aldinna. Alls verða tvær sýningar í Samkomuhúsinu á Akureyri, kvöldsýning á laugardeginum en á sunnudeginum er sýning kl. 16. Með fulla vasa af grjóti var frumsýnt í Þjóðleikhúsinu í árslok 2000 og fékk þá frábærar viðtökur. Sýningar urðu alls 180 og yfir 40.000 manns...

Föstudaginn 18. janúar frumsýnir Leikfélag Selfoss leikritið Þrek og tár eftir Ólaf Hauk Símonarson í leikstjórn Lilju Nóttar Þórarinsdóttur. Í verkinu fáum við að fylgjast með upprifjun ungs manns á æskuárum sínum og lífi ósköp venjulegrar fjölskyldu á sjötta áratugnum. Mörg kunnug og skemmtileg dægurlög prýða verkið og ekki ólíklegt að leikhúsgestir finni hjá sér þörf að tralla aðeins með. Sýningar eru í Litla leikhúsinu við Sigtún. Verkið er m.a. þroskasaga ungs manns og kynnumst við honum, fjölskyldu hans og nágrönnum á gleðistundum sem og á verri stundum. Sögur persónanna fléttast saman, draugar fortíðar vakna og draumar framtíðar birtast....

Næstkomandi föstudag, 18. janúar, frumsýnir leikhópurinn ONE leikritið Tamam Shud í Leikhúsinu. Þar er rifjuð upp furðuleg óleyst gáta um ókunnan mann sem fannst látinn á sjávarströnd í Ástralíu árið 1948. Nafnið vísar til texta á smámiða sem hinn látni bar á sér og mun þýða „endir“. Á sögunni eru margar kynlegar hliðar og menn eru enn að reyna að fá botn í þetta dularfulla mál – í verkinu er því m.a. velt upp hversu langt eigi að ganga í leitinni að sannleikanum. Fimm sýningar eru fyrirhugaðar og miðasalan fer fram í gegnum netfangið leikmidi@gmail.com eða í síma 7705085....

Nú á sunnudaginn verður fimmtugasta sýning á Dýrunum í Hálsaskógi í Þjóðleikhúsinu og í lok hennar verða afhentir styrkir úr Egner-sjóðnum. Jafnframt er von á 25 þúsundasta gestinum á sýninguna. Í ár er haldið upp á 100 ára afmæli Thorbjörns Egners í Þjóðleikhúsinu með margvíslegum hætti. Tvö af leikritum hans eru í sýningu um þessar mundir en auk Dýranna í Hálsaskógi eru þeir bræður Karíus og Baktus að gera garðinn frægan í Kúlunni. Egner-sjóðurinn var stofnaður árið 1975  á 25 ára afmæli Þjóðleikhússins.  Þá heimsótti Thorbjörn Egner leikhúsið og gaf því sýningarrétt og höfundarlaun verka sinna á Íslandi. Tekjur...

Lokasýning verður á næstunni á leikdagskránni Harmi, hundum og hýrum konum hjá Leikfélagi Kópavogs laugardagardaginn 19. janúar  kl. 20.00. Leikdagskráin samanstendur af fjórum leikþáttum, innlendum og erlendum. Þættirnir eru Arfurinn eftir Örn Alexandersson, Samtal fyrir eina rödd og Við höfum allar sömu sögu að segja eftir Dario Fo og Franca Rame og Girnd á Geirsnefi eftir Dennis Schebetta. Örn Alexandersson leikstýrir eigin þætti en Hörður Sigurðarson hinum en alls taka 10 leikarar þátt í uppfærslunni. Athugið að ekki er mælt með dagskránni fyrir yngri en 12 ára.   Miða má kaupa á: https://www.midakaup.is/kopleik/harmur-hundar-og-hyrar-konur. Leikarar í dagskránnin eru: Arfurinn: Anna...