Author: lensherra

Aukasýningar hefjast í Tjarnarbíói sunnudaginn 18. október, kl. 13:00 á Lífið – Stórskemmtilegt drullumall. Fyrsta aukasýning af fjórum. Lífið er stórskemmtilegt drullumall á mörkum leikhúss og myndlistar fyrir alla fjölskylduna. Sýningin vann tvenn Grímuverðlaun á síðasta leikári, “Barnasýning ársins 2015” og “Sproti ársins 2015”! Leiksýningin fjallar um sköpunarkraftinn, vináttu og hringrás lífsins, þar sem unnið er með mold. Á einu plani er verið að búa til sögu um sköpun heimsins, hvernig landslag breytist í gegnum hamfarir og kraft náttúruafla, hvernig líf kviknar, hvernig fyrstu dýrin skriðu á land og goggunarröðina í náttúrunni – en á öðru plani má lesa...

Uppsprettan verður haldin í fimmta sinn í Tjarnarbíói þriðjudaginn 20. október. Formið er þannig að leikarar og leikstjórar fá ný íslensk stuttverk til að vinna með sólarhring fyrir sýningu. Þau hafa því einungis þennan eina sólarhring til að kynna sér handritið og átta sig á möguleikum þess. Þremur tímum fyrir sýningu hittast listamennirnir í fyrsta sinn og byrja æfingar þremur tímum fyrir sýningu. Æfingarnar eru opnar almenningi. Frá kl. 19:30-21:00 geta gestir komið í Tjarnarbíó og kíkt inn á þær æfingar sem eru í húsinu, velt fyrir sér vinnuaðferðum og ákvarðanatökum í sambandi við verkið, jafnvel lesið verkin sjálfir...

Föstudaginn 16. október kl. 20 frumsýnir Leikfélag Reykjavíkur á Stóra sviðinu Mávinn eftir Anton Tsjékhov í leikstjórn Yana Ross. Stórglæsilegir leikarar eru í sýningunni s.s. Halldóra Geirharðsdóttur, Björn Thors, Hilmir Snæ Guðnason, Guðrún S. Gísladóttir og margir fleiri. Mávurinn er eitt stórbrotnasta leikrit rússneska leikskáldsins Antons Tsjékhovs. Það er eitt besta leikrit allra tíma, gamansamt og alvarlegt í senn. Mávurinn fjallar um lífið sjálft, en þó einkum um líf í listum, ástir og ástleysi. Símon elskar Maríu, María elskar Konna, sem elskar Nínu, sem elskar rithöfundinn sem elskar bara sjálfan sig. Vonlausir listamenn, virtir eða misheppnaðir, reyndir eða barnalegir,...

Það er heldur betur líf og fjör í Litla leikhúsinu við Sigtún þessa dagana því hafnar eru æfingar á leikritinu Bangsímon eftir Peter Snickars í leikstjórn okkar eigin Guðfinnu Gunnarsdóttur. Með þessari uppsetningu er brotið blað í sögu leikfélagsins því þetta er í fyrsta sinn sem verk er endursýnt hjá LS.  Bangsímon var fyrst settur upp hjá leikfélaginu fyrir tuttugu árum og ekki er ólíklegt að börnin sem sáu þá uppsetningu hafi gaman af því að kynna eigin börn fyrir Bangsímon gamla og vinum hans. Í tilefni af tuttugu ára afmælinu munu nokkrir af gömlu búningunum vera til sýnis...

Fimmtudaginn 15. október kl 20 frumsýnir Leikfélag Reykjavíkur á Litla sviðinu nýtt íslenskt verk, Vegbúar eftir KK og Jón Gunnar Þórðarson. KK fer með eina hlutverk sýningarinnar en leikstjórn er í höndum Jóns Gunnar Þórðarsonar. Tónlistarmaðurinn KK stígur á svið og segir sögu gítaranna sinna sem hafa fylgt honum í blíðu og stríðu í gegnum árin. Hann greinir frá uppruna þeirra og sérstökum tengslum sínum við hvern og einn þeirra – allir tengjast þeir á einn eða annan hátt skrautlegu lífi og örlögum erlendra trúbadora sem áttu það sameiginlegt að þrá réttlæti og frelsi. í verkinu tvinnast þessar sögur...