Year: 2011

Verðlaunaverkið Elsku barn, eftir breska leikskáldið Dennis Kelly, snýr aftur á fjalir Nýja sviðsins fimmtudaginn 24. nóvember nk. Elsku barn er nístandi saga móður sem sökuð er um að myrða börnin sín tvö. Hér er á ferðinni áleitið verk sem veltir upp ýmsum heimspekilegum spurningum um eðli sannleikans, réttlæti og lygi, hvernig lifa má við ófyrirgefanlegan glæp og óbærilegan sársauka. Leikstjóri er Jón Páll Eyjólfsson sem áður hefur tekist á við ögrandi verk s.s. Vestrið eina, Maríubjölluna, Þú ert hér og Góðir Íslendingar. Sex leikarar taka þátt í sýningunni þau Unnur Ösp Stefánsdóttir, Halldóra Geirharðsdóttir, Benedikt Erlingsson, Hallgrímur Ólafsson,...

Leikfélag Kópavogs frumsýnir leikdagskrána Fernu fimmtudaginn 24. nóvember kl. 20.00. Dagskráin samanstendur af 4 leikþáttum, tveimur íslenskum og tveimur erlendum. Íslensku þættirnir eru XXX eftir Jónínu Leósdóttur og Verann eftir Hrefnu Friðriksdóttur. Erlendu þættirnir nefnast Fjölskylda 2.0 og Vegsummerki minninga. Átta leikarar taka þátt og þar af eru fimm að þreyta frumraun sína með leikfélaginu. Leikstjóri er Hörður Sigurðarson. Miðapantanir í midasala@kopleik.is eða í síma 554-1985. Miðaverð er 1.000 kr. Nánari upplýsingar er að finna á vef félagsins...

Bjarni Thor Kristinsson bassasöngvari bregður sér í hlutverk Sarastrós á einni sýningu á Töfraflautunni í Íslensku óperunni í haust, en það verður á aukasýningunni næstkomandi sunnudag 20. nóvember kl. 16.00. Á öllum öðrum sýningum syngur hins vegar Jóhann Smári Sævarsson hlutverkið, og um helgina syngur ennfremur Hlöðver Sigurðsson hlutverk Annars reglubróður í stað Kolbeins Ketilssonar.     Bjarni Thor starfar að miklu leyti erlendis og hefur sungið í mörgum helstu óperuhúsum heims. Hann hefur tekið þátt í uppfærslum á Töfraflautunni meira en 200 sinnum á ferli sínum, m.a. í Chicago Lyric Opera, óperunni í Monte Carlo, Teatro Massimo í...

Himnaríki – geðklofinn gamanleikur, var frumsýndur í Versölum í Þorlákshöfn þann 14. október og hafa nú verið sýndar 9 sýningar. Viðtökur hafa verið vægast sagt frábærar og mikið fjör verið á sýningum. Leikstjóri er Gunnar Björn Guðmundsson og leikarar í sýningunni eru þau Aðalsteinn Jóhannsson, Árný Leifsdóttir, Helena Helgadóttir, Róbert Karl Ingimundarson, Ottó Rafn Halldórsson og Þrúður Sigurðar. Leikritið gerist í sumarbústað þar sem þrjú pör koma saman til að eiga skemmtilega helgi. Ýmis óuppgerð mál koma upp á yfirborðið og ástarflækjur gera vart við sig. Leikið er á tveimur sviðum samtímis og gerir það verkið afar sérstakt auk...

Leikfélagið Silfurtunglið heldur áfram starfsemi en fyrr á þessu ári sýndi leikfélagið söngleikinn Hárið í menningarhúsinu Hofi á Akureyri og í Hörpu í Reykjavík fyrir um 19.000 áhorfendur. Á föstudag, 18. nóvember, frumsýnir Silfurtunglið nýtt frumsamið verk eftir Jón Gunnar Þórðarson „Saknað“; Tíu ár eru liðin frá hvarfi Önnu Taylor. Fjölskyldan lifir enn í þeirri von að einn daginn muni hún koma heim. Líf þeirra stendur í stað, en skyndilega kemur vísbending; Anna Taylor gæti verið á lífi, en hver tók hana og hvar hún er niðurkomin veit enginn, nema sá seki og Anna. Verkið fjallar um fjölskylduna, leitina...