Author: lensherra

Þann 1. desember næstkomandi verður frumsýtt glænýtt, íslenskt jólaleikrit með söngvum í Skemmtihúsinu við Laufásveg. Leikritið ber nafnið „Lápur, Skrápur og jólaskapið“. Höfundur verksins er Snæbjörn Ragnarsson en hann skrifar meðal annars Ævintýri Stígs og Snæfríðar í Stundinni okkar. Snæbjörn semur einnig tónlistina í verkinu ásamt Arngrími Arnarsyni. Leikstjórn er í höndum Önnu Bergljótar Thorarensen. Verkið fjallar um tvo Grýlusyni, þá Láp og Skráp. Þeir eru einu tröllabörnin í Grýluhelli sem hafa ekki enn komist í jólaskap. Grýla mamma þeirra rekur þá því af stað úr hellinum og bannar þeim að koma þangað aftur fyrr en þeir eru búnir...

Fjölskyldusýningin „Þú ert nú meiri jólasveinninn“ verður frumsýnd í Rýminu hjá LA  sunnudaginn 2. desember klukkan 14:30. Sýningin er samstarf Smilblik og LA. Hér birtist leikarinn, tenórinn, trúðurinn, heimsmaðurinn og eineltisbarnið Stúfur eins og við höfum aldrei séð hann áður; geislandi af hæfileikum, ljúfur, hrjúfur, spriklandi og sprellfjörugur. Jólasveinninn Stúfur sýnir og sannar í þessari sýningu að hann er enginn venjulegur jólasveinn. Hann hefur markvisst unnið í að útvíkka starfssvið sitt í von um fleiri „heilsárs“-verkefni, og hefur nú kynnt sér leikhúsið til hlítar; lært að syngja, dansa og segja sögur í mismunandi leikstílum – og síðast en ekki síst,...

Fyrsti samlesturinn á leikritinu Vígaguðinn eftir franska leikskáldið Yasminu Reza fór fram í Þjóðleikhúsinu á dögunum. Verkið verður frumsýnt á Smíðaverkstæðinu í janúar í leikstjórn Melkorku Teklu Ólafsdóttur. Leikrit þetta er nýjasta verk Reza sem er eitt þekktasta leikskáld samtímans. Mörgum er minnistætt leikrit hennar, Listaverkið, sem sló í gegn í uppfærslu Þjóðleikhússins árið 1997. Til marks um vinsældir Reza má geta þess að sýningaréttur á verkinu hefur þegar verið seldur til tæplega fimmtíu leikhúsa í Þýskalandi. Sýning Þjóðleikhússins á Vígaguðinum verður sú fyrsta á Norðurlöndunum en verkið hefur þegar verið selt til nokkurra leikhúsa þar. Verkið verður frumsýnt...

Á menningarnótt sl. stóð Leikminjasafn Íslands fyrir opinni brúðulistahátíð og sýningu á íslenskum leikbrúðum í Heilsuverndarstöðinni við Barónsstíg.  Viðburðurinn vakti mikla athygli og komu um 2000 manns á sýninguna þennan dag.  Nú verður sýningin opnuð að nýju þrjá næstu laugardaga, 17. nóv., 24. nóv. og 1. des.  Eins og á menningarnótt verða lifandi leikbrúðusýningar á staðnum, jafnframt því sem gestir geta skoðað sýninguna sjálfa.  Meginuppstaða hennar eru brúður og önnur listaverk Jóns E. Guðmundssonar, frumherja í íslensku brúðuleikhúsi, en einnig eru sýnishorn af leikbrúðum yngri brúðulistamanna. Sýningin verður opin frá kl. 13.00 – 17.00.  Tvær leiksýningar verða nú á...