Author: lensherra

Bætt hefur verið við tveimur aukasýningum á Sveinsstykki, einleik Arnars Jónssonar í Þjóðleikhúsinu. Sýningarnar verða 5. og 15. desember. Leikstjóri er Þórhildur Þorleifsdóttir. Að sýningunni stendur Hið lifandi leikhús í samstarfi við Þjóðleikhúsið. Þess má geta að Þjóðleikhúsið hefur raunar ekki alveg sleppt hendinni af Arnari Jónssyni, en hann mun stíga á svið í Eldrauninni eftir Arthur Miller eftir áramót. Með sýningunni Sveinsstykki kveður Arnar Þjóðleikhúsið formlega eftir 40 ára farsælan feril við leikhúsið, en hann fagnaði nýlega sjötugsafmæli. Áhorfendur eru þó ekki á því að leyfa Arnari að hætta að leika, og bæta hefur þurft við aukasýningum á...

Óhætt er að segja að leikhúsgestir hafi tekið Mary Poppins og Bert vini hennar fagnandi því í kvöld er komið að sýningu númer 100 og uppselt hefur verið á allar sýningar frá upphafi. Mary Poppins er þriðja sýning Leikfélags Reykjavíkur sem fer yfir 50.000 gesti í 117 ára sögu Leikfélagsins (hinar eru Fló á skinni og Sex í sveit). Þegar er búið að framlengja sýningarleyfinu að utan fyrir fyrir Mary Poppins, en það átti að renna út um áramót, og stefnir allt í að sýningin slái nýtt aðsóknarmet áður en yfir lýkur. Uppfærslan er sú viðamesta og flóknasta sem...

Leikritið Jóreykur í leikstjórn Þorsteins Bachmann verður leiklesið í Tjarnarbíó miðvikudaginn 20. nóvember. Leikarar eru Halldór Halldórsson (Dóri DNA), Svandís Dóra Einarsdóttir, Þorbjörg Helga Dýrfjörð og Steinþór Hróar Steinþórsson (Steindi Jr.). Frítt er inn á leiklesturinn og aðgangur öllum opinn. Leiklesturinn hefst stundvíslega kl. 20 og tekur rúma klukkustund. Sjá einnig: http://www.joreykur.blogspot.com/ Um er að ræða nýtt íslenskt verk. Höfundur er Bergur Ebbi Benediktsson. Verkið fjallar um hestamanninn Hallgrím Björn Þórðarson (Steindi Jr.) sem er fyrsti íslenski gullverðlaunahafinn á ólympíuleikum, en við heimkomu hans til Íslands fer af stað atburðarás sem setur íslenska þjóðarvitund í nýtt (en þó kunnuglegt) samhengi. Þetta verður gaman – örugglega áhugavert –...

Laugardaginn 16. nóvember kl. 13 frumsýna Skoppa og Skrítla Jólahátíð sína. Í aðdraganda jóla halda Skoppa og Skrítla mikla hátíð til að bjóða sjálfan jólasveininn velkominn til byggða. Hann kemur til að aðstoða þær við að fagna hátíð ljóss og friðar og útbúa gjafir fyrir alla góðu vinina og vinkonurnar. Þegar undirbúningur hátíðarinnar stendur sem hæst banka óvæntir gestir upp á. Jólasveinninn er í stökustu vandræðum. Nú reynir á hversu úrræðagóðar Skoppa og Skrítla eru… Skoppa og Skrítla hafa verið í uppháhaldi hjá yngstu kynslóðinni um árabil, hvort sem er í kvikmyndum, sjónvarpsþáttum, tónlist eða leiksýningum. Þær hafa verið...

Fimmtudaginn 14. nóvember kl. 20 frumsýnir Stúdentaleikhúsið Sá á fund sem finnur sig, nýtt leikverk byggt á hugmynd leikstjórans Péturs Ármannssonar sem vinnur handritð með Jónasi Reyni Gunnarssyni. Sýnt er í Dansverkstæðinu, Skúlagötu 28, 101 Reykjavík (inngangur er við hliðina á Kex Hostel). Sýningartíminn er stuttur og því mikilvægt að tryggja sér miða sem fyrst. Í fyrsta sinn í íslensku leikhúsi er raunveruleikaþáttur þar sem keppendur þurfa að finna sjálfa sig settur upp á sviði! Í Sá á fund sem finnur sig keppa níu örvæntingarfullir þátttakendur. Áður en þættinum lýkur þurfa þeir að uppgötva drauma sína, sigrast á ótta...