All Change Festival er sviðslistahátíð sem fer fram í Tjarnarbíói 4. og 5. október og beinir sjónum að ólíkri sköpun leiksýninga og spyr: „hvað er leikrit?“
Hátíðin byggir á alþjóðlegu samstarfi leikhúslistamanna en All Change Festival fer fram á sama tíma í Reykjavík, London, Augsburg, New York og New Orleans. All Change Festival er hluti af bresku hátíðinni Fun Palaces.Samstarfsmenn á alþjóðavísu eru listamennirnir eða listhóparnir Firehouse Creative Productions í London, Bluespots Productions í Augsburg, NEW NOISE in New Orleans og Lucy Jackson og Lisa Szolovits í New York.
Stjórnandi All Change Festival í Reykjavík er Hallfríður Þóra Tryggvadóttir. Hátíðin er haldin í samstarfi við Reykjavík Bókmenntaborg UNESCO, Tjarnarbíó og Vinnsluna. Dagskrá hennar er hluti af Lestrarhátíð Reykjavíkur.
All Change Festival í Reykjavík skoðar ólíkar sköpunarleiðir innan leikhússins, með áherslu á íslenskar leiksýningar. Fjölbreytni er einkunnarorð dagskrárinnar en gestir geta séð dramatísk verk, spunasýningar, hlustað á alþjóðleg hljóðverk, ný íslensk leikrit eða tekið þátt í spuna að miðnætti þar sem tónar hljómsveitarinnar HIMBRIM leiða þátttakendur áfram.
Hátíðinni lýkur með pallborðsumræður með yfirskriftinni: hvað er leikrit? Þar sameinast leikhúslistamenn og fræðimenn í framsögn og umræðum um fjölbreytta sköpun leiksýninga.
Á pallborðsumræðunum 5. október kl. 21:00 koma fram: Sigríður Lára Sigurjónsdóttir, Símon Birgisson, Una Þorleifsdóttir, Álfrún Örnólfsdóttir, Friðgeir Einarsson og Hrund Ólafsdóttir.
Hægt er að kaupa All Change Festival-passa á sýningarnar Róðarí, Haraldinn og Kameljón á 5.900 kr. í miðasölu Tjarnarbíós.
Dagskrá All Change Festival í Reykjavík
4. október
14:00 Íslandsmeistarar í spuna (Kringlan, 1. hæð)
16:00 Vöfflukaffi (Kaffihús Tjarnarbíós)
17:00 Vinnslan – verk í vinnslu (Atriði úr sýningunni Strengir, sem verður frumsýnd í lok október, í nokkrum óvæntum rýmum Tjarnarbíós)
19:30 Alþjóðleg hljóðverk, frumflutningur
(Hljóðverk frá fimm borgum. Ragnheiður Harpa Leifsdóttir og Marteinn Sindri Jónsson eru listamenn reykvíska hljóðverksins)
20:00 Róðarí – sýning
00:00 – 02:00 Miðnæturspuni
5. október
11:00-23:00 Alþjóðleg hljóðverk
15:00 Haraldurinn – sýning
20:00 Kameljón – sýning
21:00 Hvað er leikrit? – pallborðsumræður
Viltu vita meira?
https://www.facebook.com/allchangefestivalreykjavik
https://www.facebook.com/events/345121742321741/?notif_t=plan_user_joined
http://www.firehousecreativeproductions.com/#!all-change/cbp5
