Year: 2011

Góðir hálsar er leiksýning eftir Kára Viðarsson þar sem rakin er saga Axlar-Bjarnar. Sýningin er súrrealísk syndaaflausn með karíókíívafi þar sem áhorfendur fá tækifæri til að sjá mannlegu hliðina á manni sem hingað til hefur verið talinn geðsjúkur raðmorðingi. Leiksýningin verður sú fyrsta í nýju leikhúsi sem nú rís í gamalli fiskvinnslu í Rifi á Snæfellsnesi. Leikhúsið ber heitið Frystiklefinn og verður aðstaðan formlega opnuð í nóvember næstkomandi. Sýningin og uppsetning leikhússins er samofið verkefni sem hlaut frumkvöðlastyrk Evrópu unga fólksins á þessu ári. Höfundur: Kári Viðarsson Leikarar: Alexander Roberts, Ingi Hrafn Hilmarsson, Kári Viðarsson og Snædís Ingadóttir Leikstjórar: Kári...

Leiklistarhátíðin Act alone verður haldin áttunda árið í röð dagana 12. – 14. ágúst. Hátíðin fer að vanda fram á Ísafirði sem gárungarnir nefna Einleikjabæinn þegar hátíðin fer fram ár hvert. Eru það orð að sönnu því mikið fjör er í bænum Act alone helgina en auk þess hefur Kómedíuleikhúsið sem einmitt er staðsett í bænum verið duglegt við að setja upp einleiki síðasta áratug. Í ár verður Act alone ekki bara á Ísafirði heldur einnig í Arnarfirði, nánar tiltekið á höfuðbóli Vestfjarða, Hrafnseyri. Rétt er að geta þess að aðgangur að öllum sýningum á Act alone er ókeypis...

Þrjár sýningar verða á einleiknum Skjaldbakan á Hólmavík í júlí og ein á einleikjahátíðinni Act alone á Ísafirði í ágúst. Skjaldbakan er gamansamur einleikur leikinn af Smára Gunnarssyni og saminn í samstarfi við leikstjórann Árna Grétar Jóhannsson. Verkið er byggt á þeim stóratburði þegar risaskjaldbaka kom að landi á Hólmavík árið 1963. Verkið var frumsýnt 1. júlí á Hólmavík. Þetta var fyrsta sinn sem Leðurskjaldbaka, stærsta skjaldbökutegund sem til er, finnst svo norðarlega en þær búa yfirleitt sunnan við miðbaug. Skjaldbakan sem kom að landi var 2 metrar að lengd og 360 kg, og í kjölfar hófst mikið fjölmiðlafár…...

Nú liggja fyrir helstu tölur um starfsemi aðildarfélaga Bandalags íslenskra leikfélaga leikárið 2010-2011 og er ljóst að í meginatriðum eru þær mjög svipaðar og undanfarin ár. Á leikárinu voru 60 aðildarfélög að Bandalaginu en fjöldi félaga með starfsemi á árinu var 39 og í þeim félögum störfuðu 2.522 félagar. Settar voru upp 91 leiksýning sem sýndar voru 572 sinnum og tóku þátt í þeim 1.682 manns. Heildarfjöldi áhorfenda á sýningum Bandalagsleikfélaganna var 38.956 manns. 20 best sóttu sýningarnar voru þessar: 1. Leikfélag Hörgdæla, Með fullri reisn – 2.800 áhorfendur á 30 sýningum2. Leikfélag Vestmannaeyja, Mamma mia (Sjens á skrens),...