Dúnn frumsýnt í Tjarnarbíói

Dúnn frumsýnt í Tjarnarbíói

Föstudaginn 14. september verður Dúnn frumsýndur í Tjarnarbíói. Dúnn er dansverk, gjörningur, tónverk, ljósverk og leikrit. Dúnn er sjónarspil. Höfundar og flytjendur eru Ásrún Magnúsdóttir og Berglind Pétursdóttir Umfjöllunarefnið stendur okkur mjög nærri en við ákváðum að þessu sinni að fjalla um tilvist mannsins og sólarinnar. Þetta tvennt tengist traustum böndum, þegar við byrjuðum að fjalla um tilvistina gátum við ekki látið sólina óafskipta. Tilvistarstefnunni helguðum við sjö daga af lífi okkar. Síðan byrjuðum við að misnota hana.

Sólin fékk 20 mínútur en við vissum líka í grunninn hvað hún snýst um. Þegar maður er að fjalla um stór málefni verður maður að tengjast þeim vel. Við urðum að gæta þess að vera almennilega til staðar á þessu opna sári, plánetunni jörð og stara framan í sólina daglangt.

Vonandi getið þið tengt.
Þetta snýst allt um það.

14. september FRUMSÝNING
16. september
19. september
20. september
22. september
28. september

Sýningarnar hefjast kl. 21.00 en barinn opnar á slaginu 20.00.

Hljóð og tól, Áki Ásgeirsson, útlit og sviðsmynd, Ása Dýradóttir og ljós Jóhann Bjarni Pálmason.

0 Slökkt á athugasemdum við Dúnn frumsýnt í Tjarnarbíói 192 13 september, 2012 Allar fréttir september 13, 2012

Áskrift að Vikupósti

Karfa