Síðustu sýningar á Máfnum

Leikfélagið Sýnir sýnir leikritið Máfinn eftir Anton Tjekhof. Leikstjóri er Guðjón Þorsteinn Pálmarsson, Denni, en hann leikstýrði einnig uppsetningu leikfélagins á Stútungasögu í Heiðmörk fyrir tveimur árum.

Sýningum fer að ljúka, en aðeins eru eftir tvær sýningar, fimmtudagurinn 10. ágúst klukkan 19:00 í Elliðaárdal
laugardagurinn 12. ágúst klukkan 17:00 á Dalvík – Fiskideginum mikla, sýnt í Hánefsstaðareit í Svarfaðardal

Leikhópurinn hefur æft síðan 20. júní og hefur nálgast leikritið sem hæfilega blöndu af tragedíu og kómík í leit sinni að kjarnanum en hann snýst meðal annars um hvað það er sterkt í mannskepnunni að halda að grasið sé alltaf grænna hinu megin.

ImageÍ helstu hlutverkum eru Júlía Hannam sem Arkadína, Halldór Magnússon sem Trígorín, Guðmundur Lúðvík Þorvaldsson sem Tréplev, Aldís G. Davíðsdóttir sem Nína og Rúnar Lund sem Sorin. Aðrir leikarar eru Gísli Björn Heimisson, Sigsteinn Sigurbergsson, Anna Bergljót Thorarensen, Dýrleif Jónsdóttir, Ármann Guðmundsson, Arnar Ingvarsson, Hörður Skúli Daníelsson og Ásta Gísladóttir.
Um tónlistina í sýningunni sér blokkflautukvartett undir stjórn Snæbjarnar Ragnarssonar, Bibba, en hefur m.a. samið tónlist fyrir Hugleik, Leikfélag Kópavogs og Leikfélag Hafnarfjarðar við góðan orðstír. Um búninga sér Kristín Gísladóttir.

Leikritið er sýnt í stóra rjóðrinu í hólmanum en farið er göngustíginn frá Rafveituheimilinu, yfir bogabrúna og er þá komið að rjóðrinu. Áhorfendur eru hvattir til þess að taka með sér púða og/eða teppi og gott er að taka ferðastól með ef fólk getur ekki setið á jörðinni.
Miðaverð er 1000 krónur og hægt er að panta miða í síma 847 6921.

ATH – að enginn posi er á staðnum og eru gestir því beðnir um að taka með sér peninga.

0 Slökkt á athugasemdum við Síðustu sýningar á Máfnum 206 10 ágúst, 2006 Allar fréttir ágúst 10, 2006

Áskrift að Vikupósti

Karfa