Snúður og Snælda sýnir Rauðu klemmuna

Snúður og Snælda sýnir Rauðu klemmuna

Leikfélagið Snúður og Snælda er nú að hefja sitt 21. leikár. Það má því segja að leikfélagið sé búið að slíta barnsskónum. En á síðasta ári hélt það upp á 20 ára afmælið með sýningu á Nakinn maður og annar í kjólfötum eftir Dario Fo. Að þessu sinni býður félagið upp á leikritið Rauða klemman eftir Hafstein Hansson. Verkið gerist á lítilli veitingastofu þar sem óvæntan gest ber að garði sem reynir að auðgast á kostnað annarra. Afar kunnulegt stef. Frumsýnt verður í Iðnó n.k. sunnudag, 20. febrúar, kl. 14.00.

Hér er á ferðinni gamanleikur þar sem alls konar óvæntar uppákomur verða. Á sviðinu birtast margar skemmtilegar persónur sem koma sannarlega á óvart og allt er þetta á léttu nótunum. Á þeim árum sem liðin eru frá stofnun félagsins hafa margir komið við sögu. En starfsemin er eingöngu haldið uppi af áhugasömum eldri borgurum sem finna sinn farveg á efri árum til að uppfylla lífsþorsta sinn í áhugaverðu og skapandi starfi.

{mos_fb_discuss:2}

0 Slökkt á athugasemdum við Snúður og Snælda sýnir Rauðu klemmuna 349 15 febrúar, 2011 Allar fréttir febrúar 15, 2011

Áskrift að Vikupósti

Karfa