Mýs og menn snýr aftur á svið í Borgarleikhúsinu

Mýs og menn snýr aftur á svið í Borgarleikhúsinu

Meistaraverk John Steinbecks Mýs og menn snýr aftur á fjalir Stóra sviðsins næstkomandi föstudag, 18. október. Verkið var frumsýnt í Borgarleikhúsinu á síðasta ári og fór rakleitt í hjartastað íslenskra leikhúsgesta. Hætta varð sýningum fyrir fullu húsi og verkið snýr því aftur nú í takmarkað tíma. Hér er sögð saga farandverkamannanna George og Lennie sem flakka saman á milli vinnustaða, vinna til að lifa af og þrauka en deila saman fjarlægum draumi um betra líf. En suma drauma þarf að gjalda dýru verði.

Þetta meistaravek John Steinbeck frá krepputímum þriðja áratugarins er löngu orðið sígilt. Hann varpar fram spurningum um hvaða mat við leggjum á manneskjuna og hvert gildi hennar er þegar hún virðist ekki vera neinum til gagns. Steinbeck skrifaði sjálfur leikritið, en þýðingu þess annaðist Ólafur Jóhann Sigurðsson. Jón Páll Eyjólfsson leikstýrir, Ilmur Stefánsdóttir hannar leikmynd og búninga og Björn Bergsteinn Guðmundsson lýsingu. Þeir Ólafur Darri Ólafsson og Hilmar Guðjónsson eru í hlutverkum Lennie og George, en Ólafur Darri var valinn leikari ársins á Grímunni síðastliði vor fyrir frammistöðu sína í verkinu.

„Maður þarfnast þess…að vera með öðrum. Maður verður vitlaus af því að geta ekki verið með neinum 
- öldungis sama hver það er, bara að hann sé hjá manni.“

George og Lennie eru farandverkamenn sem flakka saman á milli vinnustaða. Annar er risavaxinn og barnslegur, hinn smávaxinn en lífsreyndur. Þeir vinna til að lifa af og þrauka en deila saman fjarlægum draumi um betra líf. Það er draumurinn um eigin jörð þar sem Lennie fær að halda kanínur í friði og ró og George getur ræktað jörðina. Þeir hefja vinnu á nýjum stað og skyndilega er draumurinn innan seilingar.

Verkið Mýs og menn er eitt af helstu meistaraverkum bandarískra bókmennta og birtist hér í nýrri sviðssetningu. Þessi saga frá krepputímum þriðja áratugarins er löngu orðin sígild. Í henni byggir John Steinbeck á reynslu sinni sem farandverkamaður þar sem hann kynntist fólki sem varð innblásturinn að persónum verksins. Steinbeck skrifaði sjálfur leikritið sem er tíður gestur á fjölum leikhúsa heimsins. Kvikmyndaútgáfa sögunnar var tilnefnd til fjölda Óskarsverðlauna árið 1939 og ný útgáfa hennar keppti svo um Gullpálmann í Cannes árið 1992.

Leikarar í sýningunni eru Ólafur Darri Ólafsson, Hilmar Guðjónsson, Álfrún Örnólfsdóttir, Þórir Sæmundsson, Halldór Gylfason, Theodór Júlíusson, Jón Páll Eyjólfsson, Valur Freyr Einarsson, Sigurður Þór Óskarsson og Kjartan Guðjónsson

0 Slökkt á athugasemdum við Mýs og menn snýr aftur á svið í Borgarleikhúsinu 971 17 október, 2013 Allar fréttir október 17, 2013

Áskrift að Vikupósti

Karfa