Metaðsókn á Með táninginn í tölvunni og leikferð framundan

Metaðsókn á Með táninginn í tölvunni og leikferð framundan

Leikfélag Hólmavíkur leggur upp í leikferð um Vestfirði í næstu viku, með uppsetningu á hinum sprellfjöruga gamanleik  „Með táning í tölvunni“ eftir Ray Cooney. Nú er endanlega búið að ákveða hvar og hvenær sýningarnar verða en þær verða þrjár í ferðinni, á Patreksfirði, á Bolungarvík og í Súðavík. Leikfélagið á 30 ára afmæli á þriðjudaginn og auk þessarar uppfærslu er ætlunin að minnast afmælisins með fjölbreyttum hætti síðar á árinu.

Það er Hólmvíkingurinn Arnar S. Jónsson sem leikstýrir og fara sjö leikarar með hlutverk í sýningunni og eru flestir þeirra að stíga sín fyrstu skref með leikfélaginu. Auk þeirra tekur annar eins fjöldi þátt í verkefnum á bak við tjöldin. Uppsetningin hefur fengið fádæma góða aðsókn hingað til. Fimm sýningar eru að baki á Hólmavík og voru samtals hátt í 450 gestir sem sáu þær, sem samsvarar rúmlega íbúafjölda á staðnum.  Leikfélagið hefur gegnum tíðina einkennst af mikililli ferðagleði og hefur í gegnum tíðina sýnt á um það bil 50 stöðum á landinu.

Sýningarnar í leikferðinni verða sem hér segir:
Fimmtudaginn 2. júní í Félagsheimilinu á Patreksfirði.
Föstudaginn 3. júní í Félagsheimilinu í Bolungarvík.
Laugardaginn 4. júní í Samkomuhúsinu í Súðavík.
Allar sýningarnar hefjast kl 20.00.

Menningarráð Vestfjarða styrkir Leikfélag Hólmavíkur vegna leikferðirinnar.

{mos_fb_discuss:2}

0 Slökkt á athugasemdum við Metaðsókn á Með táninginn í tölvunni og leikferð framundan 190 26 maí, 2011 Allar fréttir maí 26, 2011

Áskrift að Vikupósti

Karfa