Listaverkið frumsýnt 29. september

Listaverkið frumsýnt 29. september

Þjóðleikhúsið frumsýnir á fimmtudaginn Listaverkið eftir Yazmina Reza en mörgum leikhúsunnendum er í fersku minni sýning Þjóðleikhússins á Listaverkinu árið 1997 með þeim Hilmi Snæ Guðnasyni, Ingvari E. Sigurðssyni og Baltasar Kormáki. Í þessari endurfrumsýningu verksins sameina þeir á ný krafta sína á leiksviði undir leikstjórn Guðjóns Pedersens og snúa aftur í sömu hlutverkum. Listaverkið er eitt allravinsælasta leikrit síðustu áratuga. Verkið var frumflutt í París árið 1994 og hlaut hin eftirsóttu Molière-verðlaun. Síðan þá hefur það verið sýnt við miklar vinsældir víðsvegar um heiminn.

Listaverkið er bráðfyndinn gamanleikur með heimspekilegum undirtóni um þrjá góða vini og alvarlega uppákomu í samskiptum þeirra. Húðsjúkdómalæknirinn Serge hefur keypt sér fokdýrt málverk sem sýnir ekkert annað en hvítan flöt. Við það getur vinur hans Mark bara alls ekki sætt sig og eru fyrir því ýmsar ástæður. Hvorum þeirra á þriðji vinurinn, Ivan, eiginlega að vera sammála? Fyrr en varir er fjandinn laus.

„Prump… hvítt prump, það er orðið yfir það!“
Leikstjóri sýningarinnar er Guðjón Pedersen, Guðjón Ketilsson gerir leikmynd og sér jafnframt um búninga ásamt Leilu Arge, lýsing er í höndum Lárusar Björnssonar og þýðingin er eftir Pétur Gunnarsson.

{mos_fb_discuss:2}

0 Slökkt á athugasemdum við Listaverkið frumsýnt 29. september 156 27 september, 2011 Allar fréttir september 27, 2011

Áskrift að Vikupósti

Karfa