Leiklistarnámskeið fyrir 10-15 ára

Leiklistarnámskeið fyrir 10-15 ára

Leikfélag Hafnarfjarðar kynnir spennandi leiklistarnámskeið frá 3.-31. ágúst, annarsvegar fyrir börn á aldrinum 10-12 ára og hinsvegar fyrir aldurshópinn 13-15 ára. Aðaláherslur námskeiðsins eru að vinna sem heild, opna sig sem einstaklingur og læra að koma fram, auk þess að hafa gaman og njóta lífsins. Námskeiðinu lýkur með leiksýningu í fullri lengd á leiksviði.

Ágúst:
Æfingar yngri hópsins verða á hverjum virkum degi frá kl 09.00-12.00.
Æfingar eldri hóps verða á hverjum virkum degi frá kl 11.00-14.00.

Þegar skólarnir byrja í ágúst verður tímunum breytt í samráði við leihóp og forráðamenn.

Leiðbeinendur og leikstjórar námskeiðanna eru Aldís Davíðsdóttir, leiklistarnemi, og Guðrún Sóley Sigurðardóttir, handrits- og leikstjórnarnemi. Þær hafa báðar starfað með börnum og unglingum í leiklist og sett upp sýningar.

Námskeiðiskostnaður er 15.000 krónur á hvert barn og aðeins 10 pláss á hvort námskeið.
Æfingar og sýningar fara fram í Leikfélagi Hafnarfjarðar sem er staðsett á neðstu hæð Gamla Lækjarskóla.

Enn eru laus pláss á námskeiðin en fyrstur kemur fyrstur fær. Skráning og allar nánari upplýsingar hjá Aldísi í síma 866-1303

Hlökkum til að sjá ykkur! 🙂

0 Slökkt á athugasemdum við Leiklistarnámskeið fyrir 10-15 ára 229 23 júlí, 2009 Allar fréttir júlí 23, 2009

Áskrift að Vikupósti

Karfa