Leikhópurinn Lotta sýnir Galdrakarlinn í Oz

Leikhópurinn Lotta sýnir Galdrakarlinn í Oz

Í sumar mun Leikhópurinn Lotta sýna undir berum himni fjölskyldusýninguna Galdrakarlinn í Oz víðsvegar um landið en leikhópurinn sýndi einmitt Dýrin í Hálsaskógi í fyrrasumar við miklar vinsældir. Frumsýning verður sunnudaginn 1. júní í Elliðaárdal og verða þá tvær sýningar sú fyrri klukkan 14:00 og seinni klukkan 17:00. Verkið verður síðan sýnt í Elliðaárdalnum sýnt nær alla miðvikudaga í sumar kl. 18.00. Leikstjóri og höfundur leikgerðar er Ármann Guðmundsson og er hann jafnframt höfundur tónlistar og söngtexta ásamt þeim Baldri Ragnarssyni, Eggerti Hilmarssyni og Snæbirni Ragnarsyni en þeir eru allir meðlimir hljómsveitarinnar Ljótu hálfvitarnir.

Flestir þekkja söguna af ævintýralegu ferðalagi Kansasstúlkunnar Dórótheu og Tótó, hundinum hennar, til landsins Oz og hvernig hún kynnist heilalausu Fuglahræðunni, hjartalausa Pjáturkarlinum og huglausa Ljóninu og kemst í kast við vondu Vestannornina sem vill ná af Dórótheu silfurskónum sem henni eru gefnir. Spurning er bara hvort Galdrakarlinn ógurlegi í Oz getur hjálpað Dórótheu að komast aftur heim og vinum hennar að fá það sem þá svo sárlega vantar.

Með helstu hlutverk fara Rósa Björk Ásgeirsdóttir sem Dóróthea, Baldur Ragnarsson sem Fuglahræðan, Sigsteinn Sigurbergsson sem Pjáturkarlinn, Anna Bergljót Thorarensen sem Ljónið og hundurinn Bella sem Tótó.

Miðapantanir eru í síma 770-0403

{mos_fb_discuss:2}

0 Slökkt á athugasemdum við Leikhópurinn Lotta sýnir Galdrakarlinn í Oz 735 28 maí, 2008 Allar fréttir maí 28, 2008

Áskrift að Vikupósti

Karfa