Frumsýning hjá Leikfélagi Fljótsdalshéraðs

ImageSex í sveit eftir Marc Camoletti, er haustverkefni Leikfélags Fljótsdalshéraðs. Frumsýnt verður í félagsheimilinu Iðavöllum, föstudaginn 4. nóvember kl. 20. Leikstjóri er Oddur Bjarni Þorkelsson en hann er öllum hnútum kunnugur á Héraði og leikstýrir þar nú í fimmta sinn.  Með hlutverk sexmenninganna fara Friðjón Magnússon, Jódís Skúladóttir, Garðar Valur Hallfreðsson, Anna Björk Hjaltadóttir, Sigurlaug Gunnarsdóttir og Jón Gunnar Axelsson.
 
Sex í sveit er bráðfyndinn farsi með meinlegum misskilningi, undanlegum orðaleikjum, hasar og hamagangi. Og miðað við fjörið á æfingum þá mega áhorfendur sannarlega hlakka til. Leikfélag Fljótsdalshéraðs, sem yfirleitt setur sín verk upp í Valaskjálf á Egilsstöðum, bregður sér nú um 15 mínútna akstur út í sveit og hefur breytt Iðavöllum í skemmtilegt leikhús þar sem Sex í sveit er í ákaflega viðeigandi umhverfi.
 
Fyrirfram ákveðnar sýningar á Iðavöllum eru sem hér segir:
 
Frumsýning       4. nóvember
2. sýning           5. nóvember
3. sýning           11. nóvember
4. sýning           12. nóvember
5. sýning           18. nóvember
6. sýning           19. nóvember
 
Sýningar hefjast allar kl. 20.
 
Miðapantanir eru í síma 846 2121 og miðverð er 1.800 krónur.

0 Slökkt á athugasemdum við Frumsýning hjá Leikfélagi Fljótsdalshéraðs 295 01 nóvember, 2005 Allar fréttir nóvember 1, 2005

Áskrift að Vikupósti

Karfa