Author: lensherra

Í hinu alræmda veirustoppi nýtir Þjóðleikhúsið tækifærið og heldur námskeið fyrir leikstjóra. Námskeiðið er í formi tveggja daga Master Class með Yaël Farber sem leikstýrir Framúrskarandi vinkonu í Þjóðleikhúsinu á þessu leikári. Völdum hópi leikstjóra gefst hér einstakt tækifæri til að kynnast og læra af þessum margverðlaunaða leikstjóra sem leikstýrt hefur víða um heim og er stödd hér á landi vegna æfinga á leikritinu Framúrskarandi vinkonu. Frumsýningu hefur nú verið frestað þar til í mars en það gefur í staðinn tækifæri til að halda þetta námskeið. Nánari upplýsingar og skráning eru á vef...

Leikfélag Fljótsdalshéraðs ákvað síðla sumars að taka áhættu og hefja æfingar á leikriti í miðju veirufári. Fyrir valinu varð hinn vinsæli farsi Fullkomið brúðkaup eftir Robin Hawdon.  Hinn margreyndi Guðjón Sigvaldason var ráðinn sem leikstjóri.  Guðjón kom austur í september og hafa æfingar gengið vel og Covid-19 ekki truflað þær. Æfingar eru nú á lokametrunum og frumsýnt verður laugardaginn 31. október á Iðavöllum. Aðeins verða 20 áhorfendur í salnum á hverri sýningu vegna sóttvarnareglna. Áhorfendarými er aðskilið frá rými leikara og tæknihóps í samræmi við sóttvarnareglur. Grímur hafa tengst leiksviðinu í gegnum tíðina en að þessu sinni verða allir áhorfendur í leikhúsinu með...

Þrátt fyrir mikla óvissu með leikstarf á yfirstandandi leikári, stefnir Þjóðleikhúsið á val á Athyglisverðustu áhugaleiksýningu ársins næsta vor. Þjóðleikhúsið hefir verið í samstarfi við Bandalagið í rúma tvo áratugi með vali á leiksýningu úr smiðju áhugaleikfélaganna sem sérstaka athygli vekur. Í kjölfarið hefur viðkomandi félagi verið  boðið að sýna í Þjóðleikhúsinu en síðasta vor kom Covid í veg fyrir valið. Í þeirri von að rofa fari til í kófinu er kemur fram á næsta ár er stefnt á að velja sýningu á vori komanda. Að þessu sinni verður hægt að sækja um fyrir sýningar sem frumsýndar voru í maí...