Einn koss enn í Hveragerði

Einn koss enn í Hveragerði

Leikfélag Hveragerðis æfir nú af kappi leikritið „Einn koss enn og ég segi ekki orð við Jónatan“. Leikritið er eftir Marc Camoletti en leikgerð og þýðing eftir Sigurð Atlason. Leikstjóri er Ingrid Jónsdóttir. Leikritið fjallar um Jónatan sem býr með þremur flugfreyjum, þeim Herdísi, Hafdísi og Hjördísi, sem vinna hjá sitthvoru flugfélaginu og koma heim á mismunandi tímum og vita ekki hvor af annari.

Á heimilinu er einnig heimilishjálpin Dísa. Hlutirnir fara svo að flækjast þegar Róbert vinur Jónatans kemur í heimsókn og fær að búa hjá honum nokkra daga. Leikritið er ærslafullur farsi þar sem einn kemur þá annar fer.

Nokkur þekkt sönglög eru flutt í leikritinu eins og t.d. Ég fell bara fyrir flugfreyjum, Rassmus, I want to brake free, Fly me to the moon og fleiri.

Leikarar eru Davíð Michelsen, Hjörtur Benediktsson, Hrafnhildur Faulk, Irma Lín Geirsdóttir, Hrefna Ósk Jónsdóttir og Elín Hrönn Jónsdóttir.

Stefnt er að frumsýningu laugardaginn 28. febrúar.

Einnig má sjá myndir og fréttir á facebook síðu Leikfélags Hveragerðis.

 

0 Slökkt á athugasemdum við Einn koss enn í Hveragerði 469 17 febrúar, 2015 Allar fréttir febrúar 17, 2015

Áskrift að Vikupósti

Karfa