Author: lensherra

Menningarverðlaun Fljótsdalshéraðs voru veitt í annað sinn, 17. júní 2020 síðastliðinn. Verðlaunin eru veitt einstaklingi, stofnun eða samtökum sem viðurkenning fyrir eftirtektarvert framtak á sviði lista og menningar á liðnu ári. Hlutverk verðlaunanna er einnig að vera almenn hvatning til eflingar á menningar- og listastarfi í sveitarfélaginu. Fréttin er tekin af vef sveitarfélagsins þar sem hægt er að lesa nánar um...

Nokkur aðildarfélög BÍL hafa frestað aðalfundum sínum fram á haustið vegna Covid-19. Önnur hafa hinsvegar haldið aðalfundi síðustu daga og vikur. Aðalfundur Leikfélags Selfoss var haldinn í Litla leikhúsinu við Sigtún þann 3. júní síðastliðinn. Mæting á fundinn var mjög góð, létt yfir fólki og fundinum að vanda. Farið var yfir starfið á leikárinu sem var að ljúka, fjölmargir nýir félagar voru teknir inn og kosið í nýja stjórn. Farið var yfir erfiðan vetur í skugga samkomubanns og heimsfaraldurs og öllum til mikillar gleði var tilkynnt að Djöflaeyjan mun rísa aftur í haust og áætlað að sýningar muni standa...

VIð minnum á að frestur til að skila styrkumsóknum fyrir liðið leikár rennur út miðvikudaginn 10. júní. Félög þurfa að skrá sig inn á vefinn til að fylla út umsókn. Ef spurningar eru varðandi innskráningu eða umsóknina sjálfa hafið samband við Þjónustumiðstöð í 551-6974 eða info@leiklist.is. Minnum einnig á að til að koma upptökum á Vimeo þarf að biðja um aðgang á ofangreint netfang og gefa upp það netfang sem óskað er eftir að nota til að hlaða upp upptökum af sýningum. Einnig má minna á að senda leikskrár, veggspjöld og myndir úr sýningum með...

Þrátt fyrir veirufár og allt sem því hefur fylgt, er stefnt að því að halda elleftu NEATA leiklistarhátíðina í Eistlandi í ár. Hátíðin verður haldin á eyjunni Saaremaa undan ströndum Eistlands 10. – 13. september í haust. Eistar bjóða íslenskum leikhóp á hátíðina og verður gisting, fæði og ferðir innanlands fyrir allt að 10 manns, greiddar af gestgjöfum. Félög sem hafa áhuga á að sækja um með sýningu sendi umsókn á info@leiklist.is.  Fram þarf að koma nafn félags, leiksýning og tengiliður félags. NEATA, Norður-Evrópsku áhugaleikhússamtökin, eru samtök áhugaleiksambanda á Norðurlöndunum og í Baltnesku ríkjunum, Eistlandi, Lettlandi og Litháen. Samtökin hafa haldið...