Author: lensherra

Út er komin „Allt fyrir andann“, saga Bandalags íslenskra leikfélaga 1950-2000, skráð af Bjarna Guðmarssyni sagnfræðingi og áhugaleikara. Bókin greinir frá aðdraganda og stofnun Bandalagsins, upphafsárum þess og fyrstu verkefnum. Þá er þráðurinn rakinn í gegnum áratugina og sýnt hvernig hreyfingin þróaðist með tímanum en sú þróun var hreint ekki alltaf átakalaus. Bókin kostar 5.500 krónur og fæst í verslun Bandalagsins að Suðurlandsbraut 16 en einnig er hægt að panta hana á info@leiklist.is og í síma 551-6974.  ...

Nýtt leikhús Leikfélags Kópavogs var vígt sunnudaginn 19. október þegar Skugga-Sveinn var frumsýndur við góðar undirtektir áhorfenda. Núlifandi stofnfélagar Leikfélagsins voru viðstaddir sýninguna og má sjá þá hér á myndinni til hliðar. Þetta er fólkið sem fyrir rúmri hálfri öld stofnaði leikfélag af bjartsýni og dug í því litla bæjarfélagi sem Kópavogur var þá. Ekki var annað að sjá og heyra en að stofnfélagarnir sem sjá má hér á mynd, væru ánægðir með sýninguna, nýtt húsnæði félagsins og framtíð þess. Leikhúsið var formlega opnað með frumsýningu á nýrri leikgerð á Skugga-Sveini í leikstjórn Ágústu Skúladóttur. Húsið sem er hannað...

Þjóðleikhúsið frumsýnir leikritið Utan gátta eftir Sigurð Pálsson laugardaginn 25. október nk. í leikstjórn Kristínar Jóhannesdóttur. Sýningar verða í Kassanum við Lindargötu 7. Sigurður Pálsson er eitt þekktasta leikskáld okkar, en auk leikrita hefur hann sent frá sér þrettán ljóðabækur og þrjár skáldsögur. Hann hlaut Íslensku bókmenntaverðlaunin árið 2007 fyrir Minnisbók. Þjóðleikhúsið sýndi leikrit Sigurðar, Edith Piaf, við miklar vinsældir. Leikrit hans hafa einnig meðal annars verið sett upp hjá Leikfélagi Reykjavíkur, sem sýndi Einhver í dyrunum, Völundarhús og Hótel Þingvelli, og Nemendaleikhúsi Leiklistarskóla Íslands, sem sýndi Tattú, Miðjarðarför, Hlaupvídd sex og Undir suðvesturhimni. Í ljóðum sínum, leikritum og...