Author: lensherra

Jólafrumsýning Þjóðleikhússins er leikgerð byggð á skáldsögunni Sumarljós, og svo kemur nóttin eftir Jón Kalman Stefánsson. Leikritið Sumarljós verður frumsýnt á Stóra sviðinu á annan í jólum í leikstjórn Hilmars Jónssonar, sem jafnframt er höfundur leikgerðarinnar. Í Sumarljósi kynnumst við íbúum í litlu íslensku þorpi. Hversdagslífið þar reynist fullt af stórviðburðum því undir kyrrlátu yfirborði krauma óhamdar ástríður, langanir og þrár. Girndin hnýtir saman daga og nætur, lostinn leitar á þorpsbúana og enginn vill vera einn í nóttinni. Hvers vegna fórnar forstjóri Prjónastofunnar fallegri konu, jeppa og stöðu sinni í samfélaginu til þess að geta horft út í stjörnubjartan...

Nýlega kom út bókin Allt fyrir andann, Saga Bandalags íslenskra leikfélaga 1950-2000. Þar er rakin saga Bandalagsins í 50 ár en allt frá stofnun hefur hreyfingin verið öflugur bakhjarl leikfélaganna í landinu og tilkoma hennar blés nýju lífi í leikstarf úti um allt land. Greint er frá aðdraganda og stofnun Bandalagsins, upphafsárum þess og fyrstu verkefnum. Þá er þráðurinn rakinn í gegnum árin og áratugina og sýnt hvernig hreyfingin þróaðist með tímanum en sú þróun var hreint ekki alltaf átakalaus. Bjarni Guðmarsson sagnfræðingur og áhugaleikari tók saman. Bókin er seld á skrifstofu BÍL að Suðurlandsbraut 16, sími 5516974, netfang...

Leikfélagið Grímnir Stykkishólmi hefur að undanförnu sýnt rokkóperuna Jesús Guð Dýrlingur eftir Andrew Lloyd Webber og Tim Rice í þýðingu Níelsar Óskarssonar. Leikstjóri er Guðjón Sigvaldason. Brátt fer sýningnum að ljúka og verða síðustu sýningar sem hér segir: Fimmtudaginn 11. desember kl: 20.00 Föstudaginn 12. desember kl: 22.00 Laugardaginn 13. desember kl: 21.00 Þó er ekki loku fyrir það skotið að bætt verði við aukasýningu á milli jóla og nýárs. Sýnt er á Hótelinu, miðaverð er 2500 kr. og hægt er að panta miða í síma 863 0078 (eftir kl. 16:00)...