Author: lensherra

Í vetur hefur Leikfélag NFSu æft af kappi hið sígilda og klassíska verk eftir William Shakespeare, Rómeó og Júlíu. Hins vegar er verkið ekki algjörlega í sinni upprunnalegu útfærslu heldur eru fjögur pör af Rómeó og Júlíu á mismunandi tímaskeiðum. Verkið er sýnt í Fjölbrautaskóla Suðurlands, nánar tiltekið í gryfju skólans. Leikstjóri verksins er Ólafur Jens Sigurðsson, en hann hefur áður sett upp leiksýningu með Leikfélaginu. Frumsýning er sunnudaginn 22. mars kl. 20:30 2. sýning þriðjudaginn 24. mars kl. 20:30 3. sýning miðvikudaginn 25. mars kl. 20:30 Miða er hægt að panta í síma 690-0722 (Bjarni) og 6910091 (Katrín)...

Leikfélag Akureyrar og hinn ástæli leikari og tenór Guðmundur Ólafsson bjóða upp á leiksýninguna Tenórinn í Samkomuhúsinu laugardagskvöldið 14. mars kl. 20:00. Eftir 6 ára sýningartíma Tenórsins er Guðmundur á því að "Nú sé mál að linni" og því mun Tenórinn „syngja sitt síðasta“ í Samkomuhúsinu á Akureyri laugardagskvöldið 14. mars en þar þreytti Guðmundur einmitt frumraun sína í atvinnuleikhúsi haustið 1974. Guðmundur Ólafsson er höfundur og annar leikara Tenórsins sem var frumsýndur á Ólafsfirskum Berjadögum í ágústmánuði 2003 og síðar það sama haust  í Iðnó þar sem sýningin var á fjölunum  í tvö leikár; auk þess var verkið...

Síðastliðinn laugardag, þann 7. mars, frumsýndi Leikfélag Rangæinga leikritið Orrustan á Laugalandi í Njálsbúð í Landeyjum. Leikstjóri er Guðrún Halla Jónsdóttir. Um geysilega vel heppnaða sýningu var að ræða í alla staði og gerðu þeir  110 frumsýningargestir sem í Njálsbúð voru góðan róm að sýningunni. Næsta sýning er fyrirhuguð laugardaginn 14. mars og er þar um að ræða hátíðarsýningu í tilefni 30 ára afmælis félagsins. Búið er að bjóða hinum ýmsu gestum til sýningarinnar svo sem þingmönnum, sveitastjórnarmönnum, stofnfélögum leikfélagsins og leikurum  Leikfélags Austur Eyfellinga sem voru í uppsetningu þessa verks  1970. Einnig hefur forseti Íslands þegið boð á...

Leikdeild Umf. Vöku, í samstarfi við Ungmennafélögin Baldur og Samhygð, frumsýndi föstudaginn 27. febrúar gamanleikritið Páskahret eftir Árna Hjartarson, í leikstjórn Jóns Stefáns Kristjánssonar. Leikritið gerist í skála í Hrafntinnuskeri en þar hefur hópur ólíkra einstaklinga leitað gistinar eftir að hafa lent í miklu illviðri. Innan skamms fara óvæntir hlutir að gerast, gamlar erjur koma fram á yfirborðið og illvirki er framið í skálanum. Óútskýranlegir hlutir gerast og taugatitringur vex hjá skálabúum meðan Víkingasveit Lögreglunnar og Björgunarsveitir keppast við að verða fyrstir á staðinn og upplýsa málið. 17 leikarar taka þátt í sýningunni, en í heild eru það um...