Author: lensherra

Leiklistarvefurinn var uppfærður í dag og þó notendur sjái þess sennilega lítil ytri merki er ástæða til að benda á nokkra hluti. Nú er t.d. hægt að tengja einstakar síður á Facebook með einföldum hætti. Neðst í hverri frétt eða grein er að finna táknmynd fyrir Facebook. Með því að smella á hana geta Facebook notendur tengt viðkomandi síðu á einfaldan hátt inn á sitt Facebooksvæði. Þá má einnig nefna að Leikritasafnið hefur verið upfært og er skráning nú víðtækari sem ætti að einfalda leit að handritum....

Hugleikur frumsýnir Ó, þú aftur eftir Ingibjörgu Hjartardóttur, Sigrúnu Óskarsdóttir og Unni Guttormsdóttur í leikstjórn Odds Bjarna Þorkelssonar á Smíðaverkstæði Þjóðleikhússins föstudaginn 15. maí kl. 20. Að hugleikskum sið leikur tónlist stórt hlutverk í sýningunni, en höfundar hennar eru Ljótu hálfvitarnir Þorgeir Tryggvason, Eggert Hilmarsson, Sævar Sigurgeirsson og Oddur Bjarni Þorkelsson. Hér er á ferð sérstök afmælissýning í tilefni af 25 ára starfsafmæli leikfélagsins. Hugleikur hefur getið sér orð fyrir glannalega meðferð á íslenskum menningararfi, en að þessu sinni er það hans eigin fortíð sem fær hina hugleiksku meðferð, því frumgerð leikritsins var frumsýnd fyrir rúmum tuttugu árum. Þrátt...

Aðalfundur Leikfélagsins Sýnir verður haldinn að Eyjarslóð 9, Reykjavík, sunnudaginn 24. maí nk. kl. 20.00.  Á dagskrá verða hefðbundin aðalfundarstörf og umræður um komandi sumarstarf.   Allir sem vettlingi geta valdið og áhuga hafa á að starfa með félaginu í sumar eru hvattir til að koma!   Vonumst til að sjá sem flesta, Stjórnin...

Um síðustu helgi frumsýndi Leikhópurinn Þíbilja sýninguna SPLIINNG! – Sálarstyrkjandi dagskrá með kryppu í Iðnó. SPLIINNG! er sýning sem fær áhorfandann til að sjá broslegu hliðarnar á þjóðfélagsástandinu. Blanda af söng, sögum úr samtímanum og sprenghlægilegum uppákomum. Upplýsandi og mannbætandi samverustund með kre … uhh… með kryppu. Hugmyndavinnu og handrit unnu Þór Tulinius, Guðmundur Ólafsson og hópurinn.m en um sviðsetningu sá Þór Tulinius. Leikarar eru Guðmundur Ólafsson, Arndís Hrönn Egilsdóttir, Bryndís Ásmundsdóttir og Höskuldur Sæmundsson en umsjón með tónlist og píanóleik annast Pálmi Sigurhjartarson. Þetta er lesin og leikin dagskrá þar sem fjallað er, bæði af gamni og alvöru,...

Borgarleikhúsið frumsýnir Söngvaseið föstudaginn 8. maí nk. Söngvaseiður er einn þekktasti söngleikur allra tíma enda haldast þar í hendur hrífandi tónlist og hjartnæm saga. Verkið var frumflutt í New York árið 1959 og hefur tvisvar verið sett upp í atvinnuleikhúsi hér á landi. Tónlistin er löngu orðin sígild og nægir þar að nefna lög eins og Do re mí og Alparós. Söngleikurinn hefur verið dáður um allan heim í áratugi og í þessari uppsetningu er ekkert til sparað, fjöldi leikara og tæknifólks er með því mesta sem um getur í sögu LR. Fullt er á forsýningar og hátt í...