Author: lensherra

Leikritunarsjóður Leikfélags Reykjavíkur auglýsir eftir umsóknum um starf leikskálds Borgarleikhússins árið 2010. Stjórn sjóðsins velur skáld sem hún býður eins árs samning við Borgarleikhúsið. Laun, sem taka mið af starfslaunum listamanna, eru greidd mánaðarlega. Skáld skal þegar hafa sýnt árangur við skáldskap en reynsla af leikritun er ekki skilyrði. Skáldið fær aðstöðu í leikhúsinu, vinnur þar á samningstímanum og verður hluti af starfsliði Borgarleikhússins og mun njóta aðstoðar, leiðsagnar og stuðnings leikhússtjóra og leiklistarráðunauta. Stefnt er að því að velja skáld sem er líklegt til að njóta góðs af aðstöðu sinni hjá leikhúsinu. Unnið skal að ritun leikverks á...

Leikfélag Húsavíkur sýnir um þessar mundir fjölskyldusöngleikinn Fólkið í blokkinni eftir Ólaf Hauk Símonarson, í leikstjórn Odds Bjarna Þorkelssonar. Og undanfarið hefur verð mikið um dýrðir í blokkinni á Húsavík. 1100 gestir hafa þegar litið við í blokkinni og þar á meðal höfundurinn sjálfur. Samt er alltaf sama sagan í blokkinni, Robbi húsvörður frekar pirraður á þessum bölvaða ruslaralýð sem þar býr. Solla spáir um framtíð íbúanna og Tryggvi gerir allt sem hann getur til að selja sem flestum líftryggingar, fyrir utan að hugsa um hljómsveitina Sóna, sem hyggur á „comeback“. Hannes heldur áfram að skila Bítlabókinni, en fær...

Leikfélag Ölfuss sýnir um þessar mundir gamanleikinn Maður í mislitum sokkum eftir Arnmund Bachman í leikstjórn Gunnars B. Guðmundssonar. Þegar hafa verið sýndar 12 sýningar og áhorfendur eru sammála um að þetta sé skemmtun sem ekki megi láta framhjá sér fara en um 650 manns hafa nú séð Steindóru gömlu og vini hennar í Versölum. Nú er aðeins ein sýning eftir, mánudaginn 16. nóvember kl. 20....

Leikfélag Patreksfjarðar blæs til gleðikvölda einu sinni í mánuði í vetur og verður það í formi söng- og spurningakeppni. Hið fyrsta verður haldið þann 14. nóvember næstkomandi. Kvöldið hefst á spurningakeppninni og síðan tekur karókíkeppni við. Hver keppandi getur einungis keppt fyrir eitt lið. LP hvetur hópa, hvort sem það er vinnustaðahópur (það er ekki skilyrði að allir keppendur séu frá viðkomandi fyrirtæki, það má fá lánaðan keppanda annars staðar frá), saumaklúbbur, vinahópur, heilsuhópur, matarklúbbur, sjósundshópur, spilaklúbbur, kaffikallahópur, áhöfn á báti eða flugvél, prjónaklúbbur, spólur, bílaáhugahópur, laxveiðihópur, félagahópur (kvenfélagið, lions, slysavarnardeildin, björgunarsveitin o.s.frv.) hundaeigendahópur eða hvað sem fólki dettur...

Laugardaginn 14. nóvember nk. efna Leikminjasafn Íslands og Listaháskóli Íslands til málstofu um íslenska leiklistarfræði. Málstofan er haldin í samvinnu við Þjóðminjasafn Íslands og Hugvísindasvið Háskóla Íslands. Hún verður haldin í fundasal Þjóðminjasafnsins við Suðurgötu og hefst kl. 14.00.   Eftirtaldir fræðimenn flytja stutt erindi: Ólafur J. Engilbertsson, sagnfræðingur og leikmyndahöfundur: „Rétt landslag eða róttæk list?“ – sögunni miðlað á sviðinu. Ingibjörg Björnsdóttir, listdnskennari: „Ausdruckstanz“ á íslensku leiksviði – Um dansarann Ellen Kid. Magnús Þór Þorbergsson, lektor við Leiklistardeild Listaháskóla Íslands, „Hvað eigum við að kalla instructör?“ – Nokkrar hugleiðingar um stöðu leikstjórans í íslensku leikhúsi á 3. áratugi...