Author: lensherra

Nú er komið að því að þeir félagar Harry og Heimir sæki Akureyri heim. Þetta sprenghlægilega svakamálaleikrit verður sýnt í Samkomuhúsinu og verður fyrsta sýningin 5. nóvember. Harry og Heimir er gestasýning frá Borgarleikhúsinu, þar sem hún hefur verið sýnd fyrir troðfullu húsi alls 125 sinnum. Einkaspæjararnir óborganlegu Harry og Heimir flækjast inn í dularfullt hvarf eiginmanns hinnar undurfögru Díönu Klein. Þeir fara alla leið til Transylvaníu og þurfa að takast á við illmennið og söngleikjanördinn Doktor Frank N Steingrímsson. Þeir þurfa líka að kljást við skrímslið Rúrik og ekki síður að bera fram nafn þorpsins Trawitzenfikopfendorf.  Já Trawitzenfikopfendorf!...

Unglingadeild Leikfélags Kópavogs frumsýnir leikritið Beðið eftir græna kallinum laugardaginn 30. október. Gríma Kristjánsdóttir leikstýrir sex manna hópi ungra leikara í verkinu sem samið er í spunavinnu af leikstjóra og hópi. Leikritið fjallar um hóp fólks sem notar öll brögð til að komast yfir það sem það girnist. Leikarar í sýningunni eru Anna Guðrún Torfadóttir, Bjarni Magnús Erlendsson, Hanna Rún Jónasdóttir, Hrefna Ósk Jónsdóttir, María Björt Ármannsdóttir og Selma Rán Vilhelmsdóttir Lima. Arnar Ingvarsson hannaði lýsing, hljóðmynd var í umsjá Helga Rafns Ingvarssonar og Grímu Kristjánsdóttur og búningar og leikmynd í umsjá leikstjóra og hóps. Sýningarstjóri er Þórdís Sigurgeirsdóttir.Sýnt...

Einleikurinn Ódó á gjaldbuxum verður tekið aftur til sýninga og sýnt í Tjarnarbíó. fimmtudaginn 28., föstudaginn 29., laugardaginn 30. og sunnudaginn 31. október kl. 20. Leikstjóri, höfundur, leikmyndar- og búningahönnuður er Ásdís Thoroddsen. Leikari er Þórey Sigþórsdóttir Þáttur slæðukonunnar í úlfakreppunni sem skekur heimsbyggðina um þessar mundir er ýmsum kunnur, þótt hann hafi enn ekki verið rannsakaður til fulls. Nú býður hún til stofu og segir frá uppvexti sínum í kofahreysi í útjaðri Reykjavíkur, rennir augum yfir hið  dularfulla skeið sem valdamesta manns á byggðu bóli og veitir gestum hlutdeild í glæpum sínum. Ódóið afhjúpar sig, en í vissum...

Október, örverk um upp-reisn verður sýnt í beinni útsendingu á www.herbergi408.is kl. 12.30 föstudaginn 29. október frá Útgerð Hugmyndahús háskólanna við Grandagarð. Áhorfendur eru boðnir velkomnir í Útgerðina til að upplifa sjónleikinn með berum augum eða sitja í sínu umhverfi fyrir framan tölvuna og fylgjast með í beinni útsendingu. Leikstjóri er Steinunn Knútsdóttir. Verkið er tíunda örverkið af 12 sem Áhugaleikhúss atvinnumanna býður áhorfendum upp á endurgjaldslaust. Verkin taka á áráttum, kenndum og kenjum sem hafa áhrif á mannlega tilvist í Reykjavík 2010 og eru kennd eftir þeim mánuði sem þau eru flutt í. Viðfang verkanna ræðst af því...

Frumsýningu Leikfélags Ölfuss á Stútungasögu, sem vera átti í kvöld, þriðjudaginn 26. október kl. 20.00, hefur af óviðráðanlegum orsökum verið frestað til 2. nóvember. Leikritið er  eftir fjóreykið Ármann Guðmundsson, Hjördísi Hjartardóttur, Sævar Sigurgeirsson og Þorgeir Tryggvason og er paródía á Sturlungaöldina. Segir þar frá ástum og ofbeldi, klækjum og klaufaskap, hetjuskap og hálfvitagangi auk þess sem flett er ofan af höfundi Njálu. Leikstjóri er Ármann Guðmundsson. Sýnt er í Versölum, Ráðhúsi Ölfuss. Stútungasaga var fyrst sett upp hjá leikfélaginu Hugleik í Reykjavík árið 1993 og eru uppsetningar á verkinu hjá áhugaleikfélögum síðan orðnar um 10 talsins. Leikritið byggir...