Author: lensherra

Á laugardaginn kemur, þann 6. nóvember, flytur Gaflaraleikhúsið formlega í höfuðstöðvar leiklistarinnar í miðborg Hafnarfjarðar. Athöfnin hefst klukkan 14:00 í gamla Gúttó við Suðurgötu 7 (fyrir aftan Þjóðkirkjuna) sem um langan aldur var hjartað í leiklistarstarfi Hafnfirðinga. Þar stendur uppi yfirlitssýning Leikminjasafns Íslands um sjónleikjahald í Firðinum. Brugðið verður á leik á gamla leiksviðinu mannhæðarháa, sem margir Hafnfirðingar, ungir jafnt sem aldnir, eiga góðar minningar frá. Síðan verður haldið niður í húsið, sem áður hýsti m.a. Vélsmiðju Hafnarfjarðar og Hafnarfjarðarleikhúsið, á Strandgötu 50, þar sem fleiri leikrænar uppákomur bíða gesta auk veitinga í þjóðlegum stíl. Þannig flyst kyndill leiklistar...

Leiklistarhópur unglingadeildar Dalvíkurskóla frumsýnir nýtt leikverk föstudaginn 5. nóvember í Ungó. Nefnist það Saga hússins… og er eftir Arnar Símonarson og leikhópinn. Dalvíkurskóli og Leikfélag Dalvíkur eru nú enn og aftur í samstarfi í tengslum við leiklistarvinnu með unglingum í Dalvíkurbyggð. Er þetta í sjötta sinn sem farið er í samstarf af þessu tagi. LD leggur fram húsnæði til afnota í 6 vikur fyrir þessa vinnu, endurgjaldslaust og félagsmenn, auk foreldra nemenda aðstoða auk þess varðandi búninga, leikmuni og fleira. Leiklist er kennd sem valgrein í 8.,9. og 10. bekk í Dalvíkurskóla og hvorki fleiri né færri 28 nemendur...

Næsta sunnudag mun Grímuverðlaunasýningin Bólu Hjálmar í uppsetningu Stopp leikhópsins ríða á vaðið sem fyrsta fjölskyldusýnininginn í Tjarnarbíó. Tjarnarbíó ætlar að vera með sem vera með eitthvað fyrir fjölskylduna alla sunnudaga í nóvember og desember. Sirkus Sóley verður svo með tvær sýningar næstu tvær helgar á eftir. Í upphafi aðventu mætir svo Augasteinn í uppsetningu Á senunni aftur í Tjarnarbíó en verkið var frumsýnt þar fyrir 7 árum síðan. Snuðra og Tuðra á vegum Möguleikhússins ætla líka að líta við í byrjun desember með Jólarósirnar sínar. Algjör Sveppi – dagur í lífi stráks verður svo sýnt á milli jóla...

Leikfélag Siglufjarðar leitar að leikstjóra sem mun mæta til starfa í janúar eða febrúar 2011.  Leikfélag verður 60 ára á næsta ári og hefur hug á að setja upp veglega sýningu af því tilefni. Áhugasamir geta sent formanni leikfélagsins, Vibekku Arnardóttur,  tölvupóst á netfangið vibearn@simnet.is...

Stoppleikhópurinn sýnir sunnudaginn 7. nóvember kl. 14.00 í Tjarnarbíói verðlaunaleikritið  Bólu-Hjálmar en leikritið er byggt á lífi og ljóðum Bólu-Hjálmars en sýningin hlaut Grímuverðlaunin sem Barna- og unglingasýning ársins 2009. Leikstjóri er Ágústa Skúladóttir. Aðeins verður þessi eina sýning. Verkið var frumsýnt 22 maí 2008 í Iðnó. Hefur það síðan verið á leikferð um landið þar sem sýnt var í grunnskólunum og á dögunum var leikhópnum boðið til Færeyja með sýninguna og hlaut hún þar einróma lof. Núna gefst fjölskyldufólki því einstakt tækifæri á að sjá sýninguna.Bólu-Hjálmar er nafn sem við höfum öll heyrt. Grunnskólakrakkar vita sennilega flestir að...