Author: lensherra

Leikdeild Ungmennafélagsins Íslendings í Borgarfirði, frumsýndi gamanleikinn Með fullri reisn eftir Englendinginn Terrence Mcnally, undir leikstjórn Margrétar Ákadóttur, föstudaginn 12. nóvember. Húsfyllir var og skemmtu frumsýningargestir sér hið besta, enda uppsetningin með eindæmum hressileg. Í leikarahópnum að þessu sinni má sjá borgfirska bændur, nemendur, mjólkurbílstjóra, skógfræðinga,  leikskólakennara, forstöðumann og fleiri snillinga. Verkið fjallar um 6 karla, sem missa vinnuna og hvaða áhrif það hefur á þá og fjölskyldur þeirra. Þeir bregðast við aðstæðum með því að halda strippsýningu til fjáröflunar sér og sínum. Verkið getur verið skírskotun í samtímann og aldrei að vita nema að svona sýningar fari að...

Um næstu helgi, 19.-21. nóvember, heldur Þjóðleikhúsið í leikferð norður yfir heiðar með Íslandsklukkuna. Alls verða þrjár sýningar í menningarhúsinu Hofi á Akureyri, kvöldsýningar á föstudegi og laugardegi en á sunnudeginum er sýning kl. 14. Íslandsklukkan var frumsýnd þann 22. apríl á liðnu vori, í tilefni af 60 ára afmæli Þjóðleikhússins. Sýningin hefur fengið frábærar viðtökur áhorfenda og gagnrýnenda og verið sýnd fyrir fullu húsi allar götur síðan. Íslandsklukkan hlaut fern Grímuverðlaun s.l. vor og féllu verðlaun fyrir bestu tónlistina í skaut þeim Norðlendingum Eiríki G Stephensen og Hjörleifi Hjartarsyni, en saman mynda þeir hljómsveitina velþokkuðu Hundur í óskilum....

Mikill kraftur er í Leikfélaginu Grímni í Stykkishólmi um þessar mundir en félagið frumsýnir þrjú leikrit núna á einum mánuði. Nú þegar hefur Grímnir frumsýnt einþáttunginn Kvöldhúm í þýðingu og leikstjórn Guðjóns Sigvaldasonar. Þann 25. nóvember verður svo Litla hryllingsbúðin frumsýnd og þann 1. desember Karíus og Baktus en Guðjón leiktýrir þessum sýningum einnig. Leikendur í Kvöldhúmi eru tveir en hinar sýningarnar eru mun fjölmennari, sérstaklega Litla hryllingsbúðin. Þar nýtur Grímnir hæfileikafólks í Hólminum, ekki aðeins á leiksviðinu, heldur einnig í söng og tónlist. Þá má geta þess að í Karíus og Baktus eru tvö gengi í aðalhlutverkunum, enda...

Um sl. helgi var Mojito, nýtt leikverk eftir Jón Atla Jónasson, frumsýnt í Tjarnarbíói í leikstjórn höfundar. Hér er á ferðinni glænýtt, bráðfyndið og sjóðandi heitt leikverk úr íslenskum raunveruleika. Í verkinu er fjallað um gildismat síðustu ára, gildismat góðærisins og hvaða gjald það í raun og veru felur í sér fyrir þá sem aðhyllast það. Hér þarf að rifja upp veisluna og gera ákveðin reikningsskil. Og að sjálfsögðu er spurningin hvort ískaldur Mojito nægi til að kæla blóðið eitthvað niður. Tveir menn hittast fyrir tilviljun og annar þeirra fer að rifja upp heimsókn sína á indverks/pakistanskan veitingastað í...

Sunnudaginn 14. nóvember kl. 17 verður frumsýnd stuttverkadagskrá fyrir yngstu börnin hjá Leikfélagi Mosfellssveitar Sýningin kallast Ævintýri gerast enn og þar koma fram hinar ýmsu ævintýrapersónur eins og prinsessan á bauninni, geiturnar þrjár og leikhúsflugurnar Bía og Finnur. Aðeins verða sýndar þrjár sýningar, sunnudaginn 14. nóvember kl. 17, sunnudaginn 21. nóvember kl. 14 og sunnudaginn 5. desember kl. 14. Miðapantanir eru í síma 566 7788 og miðaverð er aðeins 500 krónur....